Супердарвозабонга янги харидор чиқди

“Манчестер Юнайтед”нинг асосий дарвозабони Давид де Хеа  фаолиятини Франция чемпионатида давом эттириши мумкин.

ПСЖ бош мураббийи Маурисио Почеттино испаниялик голкиперни ёзги трансферлар вақтида Парижга олиб келмоқчи. Аргентиналик мутахассис келаси мавсум олдидан таркибни бутунлай қайта шакллантиришни режалаштирган.

Шу боис, Почеттино 35 ёшли Кейлор Навас ўрнига айнан Давид де Хеани олиб келишни истамоқда.

“Манчестер Юнайтед” ҳам бу трансфердан фақат хурсанд бўлади. Чунки, жамоада иккита юқори савияли посбон бор. Дин Хендерсон бемалол Давид де Хеанинг ўрнини боса олади. Бундан ташқари, унинг маоши испаниялик рақобатчисиникидан анча паст. ПСЖ эса айни пайтда ҳафтасига 375 минг фунт маош олаётган Давид де Хеанинг маошини қоплай оладиган кам сонли клублардан бири.

Матнда хатолик топсангиз, ўша хатони белгилаб, бизга жўнатинг (Ctrl + Enter)