Суперҳужумчи Англиянинг етти клубидан бирини танлаши керак

Франция чемпионатида “Лилль” шарафини ҳимоя қилаётган Жонатан Дэвид 30 июнь куни эркин агентга айланади. Канадалик футболчи ўз клуби билан ҳамкорликни узайтирмасликка қарор қилган ва ўзига янги иш жойи танлаши мумкин.

Дэвидга Европанинг қатор лигаларидан таклиф бор. Бу борада Англия Премьер-лигаси клублари фаоллиги билан ажралиб турибди.

The i Paper нашрининг ёзишича, Премьер-лиганинг етти вакили 25 ёшли футболчига иш беришга тайёр.

Жонатан Дэвидга кўз тикаётган жамоалар орасида “Ливерпуль”, “Ньюкасл”, “Тоттенхэм”, “Вест Хэм”, “Арсенал”, “Челси” ва “Манчестер Юнайтед” бор.