Суперҳужумчи: Ўйин амалиёти кафолатланса, “Ливерпуль”га ўтаман!

Англиянинг амалдаги чемпиони “Ливерпуль” клуби Европа Чемпионлар лигаси ғолиби ПСЖ ҳужумчиси Брэдли Барколага жиддий қизиқиш билдирмоқда.

Баркола олиш ғояси “Борнмут” қанот ҳужумчиси Антуан Семеньони қўлга кирита олмаганидан кейин пайдо бўлди. Семеньо қишки трансфер ойнасида “Манчестер Сити”га ўтишни танлади, бу эса «Ливерпуль» ва АПЛнинг бошқа етакчи клубларини муқобил вариантларга эътибор қаратишга мажбур қилди.

Бу ҳақда CaughtOffside хабар бермоқда.

Манба маълумотига кўра, мураббий Арне Слот ва унинг селекция жамоаси ҳужум қанотларини мустаҳкамлаш учун франциялик ҳужумчини харид қилишдан манфаатдор. Луис Диаснинг ёзда жамоани тарк этиши ва Муҳаммад Салоҳнинг “Энфилд”даги келажаги мавҳумлиги сабаб, клубда янги қанот ҳужумчисига эҳтиёж ошди.

Баркола “Ливерпуль”га ўтиш борасида ўз позициясини аниқ билдирди. У вакилларига “Энфилд”га ҳар қандай ўтиш асосий таркибдан доимий жой кафолати билан таъминланиши кераклигини маълум қилди.

23 ёшли ҳужумчи ўз ривожланишининг муҳим босқичида турибди ва клуб мақомидан қатъи назар, ротация ёки захира ўриндиғида қолишга олиб келиши мумкин бўлган трансфердан қочишга интилмоқда.