Суперҳужумчи “Сити” таклифига жавоб қайтарди

“Интер” таркибида тўпурарлик маҳоратини намойиш қилаётган Ромелу Лукаку “Манчестер Сити” таклифига муносабат билдирди.

Бельгиялик ҳужумчи ўзини “Интер”да бахтли ҳис қилаётгани ва яқин келажакда Англияга қайтиш режаси йўқлигини маълум қилган. Ўз вақтида, Лукаку “Эвертон”, “Челси” ва “Манчестер Юнайтед”да ўйнаган ва ортга қадам босмоқчи эмас.

Лукакунинг миланликлар билан шартномаси 2023 йилнинг ёзигача тузилган. Жорий мавсумда тажрибали ҳужумчи А Сериянинг 17 та учрашувида 12 та гол уриб, учта голли пас оширди.