Суперҳужумчининг нархи “Ливерпуль”ни қўрқитиб юборди

Англия Премьер-лигасининг амалдаги чемпиони “Ливерпуль” анчадан бери “Ньюкасл” ҳужумчиси Александр Исаакни ўз сафига қўшиб олишга ҳаракат қилмоқда.

Мерсисайдликлар швед футболчиси учун таклиф қилинаётган суммани 139 миллион еврогача (120 миллион фунт стерлинг) кўтарди.

“Қарғалар” ўз форвадини қўйиб юбормоқчи эмас. TALKSPORT нашрининг маълум қилишича, клуб раҳбарияти харидорларни чўчитиш учун Исаакни 173 миллион евродан (150 миллион фунт стерлинг) бошланган таклифларни кўриб чиқишини маълум қилди.

Александр Исаак учун талаб қилинаётган бадал суммасини Саудия Арабистони клублари, хусусан, “Ал-Ҳилол” тўлашга тайёр. Лекин ҳужумчининг ўзи “Ливерпуль”га ўтишни истаяпти.