Суперклуб ҳужумни кучайтирадиган футболчи бўйича музокара бошлаяпти

Бундеслига чемпиони  “Бавария” ҳужумкор футболчи Шарль де Кетеларе трансфери бўйича “Аталанта” билан музокаралар ўтказишни режалаштирмоқда.

Маълумотларга кўра, “Бавария” келаси мавсум учун ҳужум чизиғини кучайтиришни мақсад қилган ва бельгиялик футболчини асосий вариантлардан бири сифатида кўрмоқда.

“Аталанта” сафида яхши ўйин кўрсатаётган де Кетеларе техникаси, универсаллиги ва ҳужумдаги самарадорлиги билан Германия клуби эътиборини тортган.

Ҳозирча расмий келишув мавжуд эмас, аммо томонлар ўртасидаги музокаралар яқин вақт ичида бошланиши кутилмоқда. “Бавария” ушбу трансфер орқали таркиб рақобатини янада кучайтиришни истамоқда.