Суперклуб “Реал” юлдузидан юз ўгирди

Франциянинг энг бадавлат клуби “Пари Сен-Жермен” таркибини Мадриднинг “Реал” жамоаси ярим ҳимоячиси Эдуардо Камавинга билан кучайтиришни режалаштирган эди.

Бу қизиқиш мадридликлар ёзда франциялик футболчини сотиши маълум бўлганидан кейин янада ортиб кетди.

Аввалига парижликлар ҳам Камавинга трансферини амалга оширмоқчи бўлди. Сўнгги маълумотларга қараганда, клуб охири бу режасидан воз кечган. Камавинга вакилларининг ўз мижохининг хизматини ПСЖга таклиф қилгани ҳам вазиятни ўзгартирмади.

Transfer News Live ва Media Foot каби манбаларнинг ёзишича, 23 ёшли футболчига асосан  Англия Премьер-лигаси клубларидан қизиқиш бўляпти.

Transfermarkt портали Камавинганинг қийматини 50 миллион еврога баҳоламоқда, унинг амалдаги шартномаси 2029 йил ярмигача мўлжалланган.

Жорий мавсумда Камавинга “Реал” таркибида барча турнирларда 35 та ўйинда иштирок эти, 2 та гол ва 1 та голли узатма амалга оширди.