Суперкубокда "Пахтакор"га қарши ўйнайдиган "Насаф" машғулотларга киришди

Бугун "Насаф" футболчилари янги мавсумга тайёргарликнинг учинчи босқичига киришди. Бу ҳақда клуб расмий сайти хабар тарқатди.

Бугунги машғулотлар клубнинг Қаршидаги қароргоҳида бўлиб ўтди. Мухлислар ёқимтойига айланган Марко Станоевич бугун жамоа таркибига келиб қўшилди ва машғулотларга киришди.

Бундан ташқари "аждарлар" билан биргаликда янги мавсумга тайёргарликнинг иккинчи босқичида келиб қўшилган Суҳроб Нуриллоев ҳамда ўтган мавсумда Ғузорнинг "Шўртан" жамоасида ҳаракат қилган Шокир Йўлдошев ҳам шуғулланмоқда. 

Маълумот учун, "Насаф" 6 март куни Ўзбекистон Суперкубоги учун "Пахтакор"га қарши баҳс олиб боради. Суперлига учрашувлари эса 6 март санасидан старт олади.