Superliga. 16-turning 5 o‘yini jonli efirda namoyish etiladi

Mazkur tur doirasidagi “Navbahor” — AGMK o‘yini 11 avgust kuni bo‘lib o‘tishi kerak edi. Har ikki jamoada o‘z vaqtida “Paxtakor” tarkibida to‘p surgan qator mutaxassislar faoliyat olib boradi. Ularning “Paxtakor-79” xotira kechasida ishtirok etish rejalaridan kelib chiqib, ikki klub o‘zaro kelishgani holda uchrashuvni bir kun avvalroqqa surishni so‘radi. Xat reglamentda ko‘rsatilgan muddatgacha yozilgani, “Sport” telekanali hali o‘z dasturlari rejasini tasdiqlab ulgurmagani, shuningdek, mazkur o‘yinning ko‘chishi xavfsizlik va boshqa masalalarda O‘zPFLga noqulaylik tug‘dirmasligidan kelib chiqib, uchrashuv vaqti o‘zgartirildi. Bu haqda PFL rasmiy sayti xabar berib o‘tdi.

Qolgan uchrashuvlar o‘z vaqtida o‘tadi. Quyida “Sport” telekanalining translyatsiyalar masalasidagi rejasi bilan tanishib olishingiz mumkin.  

10 avgust, shanba

18:00 SURXON — LOKOMOTIV Sport telekanali

18:00 DINAMO — QO‘QON-1912 Mahalla telekanali

20:00 NAVBAHOR — AGMK Mahalla telekanali

20:00 PAXTAKOR — BUXORO Sport telekanali

11 avgust, yakshanba

04:15 DINAMO — QO‘QON-1912 Sport telekanali takror

07:55 NAVBAHOR — AGMK Sport telekanali takror

20:00 METALLURG — ANDIJON Mahalla telekanali

20:00 SO‘G‘DIYoNA — QIZILQUM

20:00 NASAF — BUNYoDKOR

21:45 NASAF — BUNYoDKOR Sport telekanali takror

12 avgust, dushanba

00:05 SO‘G‘DIYoNA — QIZILQUM Sport telekanali takror

Taqvim ishlab chiqilayotgan vaqtda Qurbon hayitining tahminan 12 avgust sanasiga to‘g‘ri kelishi ko‘zda tutilgandi. Hayit bayramining bir kun ertaroq nishonlanishi sabab, 16-turning uch o‘yini shu kunga to‘g‘ri keladi.