Суперлига. 6-турда 4 нафар футболчи жамоасига ёрдам бера олмайди

Бугун "Андижон" - "Сўғдиёна" баҳси билан Суперлиганинг 6-тури старт олади. Учрашув 18:30да старт олади ва "Foreign language" каналида жонли эфирда намойиш этилади.

Мазкур турни 4 нафар футболчи ўтказиб юборади. Ўзбекистон кубоги доирасидаги "Сўғдиёна"га қарши баҳсда қизил карточка олиб майдондан четлатилган Сардор Собирхўжаев "Пахтакор"нинг "Металлург"га қарши беллашувини ўтказиб юборади. "Андижон" - "Насаф" ўйинида қизил картчока олган Муродбек Раҳматов Олмалиқда бўлиб ўтадиган ОКМКга қарши учрашувда "аждарлар"га ёрдам бера олмайди.

Бундан ташқари, "Навбаҳор" - "Андижон" қарама-қаршилигида четлатилган Сардор Азимов ҳамда "Олимпик Мобиуз" ва "Локомотив" ўйиинида қизил карточка олган Абубакир Ризо Турдиалиев ҳам ушбу бу турда ўз жамоасига ёрдам бера олмайди.