Суперлига. Бир киши кам бўлиб ҳаракатланган "Бухоро" "Турон"ни мағлуб қилди

Суперлиганинг илк турида "Бухоро" "Турон" меҳмони бўлди ва 2:1 ҳисобида ғалаба қозонди.

Дастлаб, 30-дақиқада Ҳумоюнмирзо Иминов ҳисобни очди. 46-дақиқада Анри Чичинадзе имкониятларни тенглатирди. 51-дақиқада Файзулло Жуманқўзиев иккинчи сариқ карточкасини олиб, майдонни тарк этди. Учрашувнинг сўнгги дақиқаларида Темурбек Исмоилов рақиб дарвозасини ишғол қилиб, жамоасига ғалаба келтирди.

Шу тариқа, "Бухоро" 3 очкони қўлга киритиб, турнир жадвалида 5-ўринга кўтарилиб олди.