Суперлига. Бугун 3 та учрашув бўлиб ўтади
Бугун Ўзбекистон Суперлигаси 10-тур доирасида 3 та муҳим учрашув бўлиб ўтади.
"Бухоро" жамоаси ўз майдонида кучли учликдан жой олган "Динамо" билан куч синашади. Учрашувнинг аҳамиятли жиҳати шундаки, "Бухоро" бугунги ғалаба эвазига сўнгги ўринлардан юқорилашга, "Динамо" кучли учликдаги ўрнини мустаҳкамлашга ҳаракат қилади.
Қўқон шаҳрида эса марказий баҳслардан бири бўлиб ўтади. Унда мезбон "Қўқон-1912" Қаршининг "Насаф" жамоасига қарши тўп суради. "Аждарлар" бугунги ғалаба орқали очколари сонини 22 тага етказиб, турнир жадвалида пешқадамлик қилаётган ОКМК билан тенглаштириши мумкин.
Шунингдек, бугун "Шўртан" жамоаси "Жар" стадионида "Андижон"ни қабул қилади. Сўннги ўринда бораётган ғузорликлар учун бу учрашув юқорига кўтарилиш имконини берса, "Андижон" жадвалдаги ўрнини мустаҳкамлаб олади.
Комментарии