Суперлига. Бугунги баҳсларда жамоасига кимлар ёрдам бера олмайди? (Фото)

Бугун Суперлигада 14-тур ўйинлари давом эттирилади. "Нефтчи" Фарғонада "Металлург"ни қабул қилади. Учрашув старти 20:00 га белгиланган. Ўйинни "Спорт" телеканали орқали жонли эфирга узатиш режалаштирилган.

Яна бир ўйин Тошкентда бўлиб ўтади. Унда мезбон ОКМК жамоаси Термизнинг "Сурхон" клубини меҳмон қилади. Мазкур баҳс ҳам 20:00 да бошланади. Ушбу матчни "Дунё бўйлаб" телеканали орқали томоша қилишингиз мумкин!

Мазкур беллашувларни 5 та футболчи ўтказиб юборади. "Сурхон"дан Жўрабек Маматқулов ва Шаҳзод Таиров, "Металлург"дан Ҳусниддин Ғофуров ва Алишер Хайруллаев бугун жамоасига ёрдам бера олмайди. 

Шунингдек, ОКМК сафида Улуғбек Суннатов майдон ташқарисида қоладиган бўлди.