Суперлига. Чемпионлик учун курашаётган "Насаф" Қаршида "Пахтакор"ни мағлубиятга учратди

Суперлиганинг 15-туридан ўрин олган "Насаф" - "Пахтакор" баҳси бўлиб ўтди. Учрашув мезбонларнинг минимал ҳисобдаги ғалабаси билан якунланди. 

Беллашувдаги ягона голи 63-дақиқада Жавоҳир Сиддиқов томонидан киритилди. Бобир Абдихолиқов тезкор рейд амалга ошириб қочиб кетди ва "шерлар" ҳимоячиси Муҳаммадқодир Ҳамралиев унга қўполлик ишлатди. Ҳакам пенальти белгилади ва бундан Сиддиқов фойдаланди.

Шу тариқа, Рўзиқул Бердиев шогирдлари муҳим 3 очкони қўлга киритди.