Суперлига клубларининг маркетинг ва матбуот хизмати ҳодимлари учун семинар ўтказилди
Ads

Жорий йилги мавсумдан бошлаб Ўзбекистон миллий чемпионати бутунлай ўзгача тартибда ўтказилмоқда. Тарихда илк марта чемпионатимиз титул ҳомийга эга бўлди.

Қолаверса, Суперлига учрашувлари олдинги мавсумлар билан солиштирганда ташкилий жиҳатдан анча юқори даражада ўтказилмоқда, ўйинлар телевидение орқали кенг кўламда эфирга узатилмоқда.

Ўз ривожланиш тарихида янги босқични бошлаб олган Ўзбекистон Профессионал футбол лигаси янада янги лойиҳалар устида иш олиб бормоқда.

ЎФА расмий сайти тарқатган хабарга кўра лига ва клубларнинг ҳомийлар билан яқиндан ишлаши ва ўйинларнинг имкон қадар кенгроқ ёритилишини таъминлаш мақсадида бугун ЎФА биносида Суперлига клублари маркетинг ҳамда матбуот хизмати бўлими ҳодимлари учун семинар ташкил этилди. Унда клубларнинг реклама ҳамда маркетинг соҳасида иш фаолиятини янада яхшилаш, ҳар бир клубнинг ҳомий ҳамда ҳамкорлар билан шартномалар имзолаш орқали ўз ҳаражатларини қоплаш, даромад олиши бўйича таклиф ва тавсиялар берилди. Шунингдек, интернетда MYCUJOOTV платформасида Суперлига учрашувларини трансляция қилишда қандай жиҳатларга эътибор қаратилиши лозимлиги тушунтирилди.

Қолаверса, PEPSI Суперлига ўйинларининг матбуот томонидан ёритилишида замонавий ижтимоий тармоқлардан кенг фойдаланиш бўйича аниқ тавсиялар берилди.

Минбар

Барча блоглар