Суперлига. "Навбаҳор" ўз уйида, "Андижон" эса сафарда хавфли ёхуд дерби олдидан қизиқ ФАКТлар!
Бугун Суперлиганинг 6-тур ўйинларига старт берилади. Дастлабки ўйин Наманганда "Навбаҳор" ва "Андижон" жамоалари ўртасида бўлиб ўтади.
"Водий дербиси" олдидан биз сизга қизиқ маълумотни тақдим этамиз. Унга кўра, наманганликлар жорий мавсум чемпионат доирасида ҳали ўз майдонида мағлуб бўлмади. Тўплар нисбати ҳам ҳавас қиларли даражада - 9:0.
Шу билан бирга, "Андижон"нинг ҳам сафар ўйинларидаги статистикаси чакки эмаслигини эслатиб ўтиш лозим. "Бургутлар" меҳмонда ўтказилган 3 ўйиннинг 2 тасини ўз фойдасига ҳал қилган.
Қолаверса, Хомяков шогирдлари Қаршида "Насаф"ни енгишга муваффақ бўлган. Ягона мағлубият Тошкентда "Сурхон"дан қабул қилиб олинган - 0:1.
Фикрлар