Суперлига. "Навбаҳор" ўз уйида "Турон"ни янчиб ташлади

Суперлига 20-туридан ўрин олган "Навбаҳор" - "Турон" баҳси бўлиб ўтди ва унда меҳмонлар йирик, 5:0 ҳисобида мағлуб бўлди. 

Дастлаб, 23-дақиқада Филипп Иванович ҳисобни очган бўлса, биринчи бўлим сўнгида Остон Уруновнинг супер пасидан сўнг Жасурбек Яхшибоев гол уриб, орадаги фарқни иккитага ошириб қўйди.

Иккинчи тайм бошида ҳакам Тўрабек Суюнов яйпанликлар дарвозасига пенальти белгилади. 11 метрли жарима зарбасини Остон Ўрунов аниқ амалга оширган ҳолда, ҳисобнинг йирик кўриниш олишини таъминлади. 66-дақиқада Урунов яна бир бор пенальтидан гол урди, ҳисоб 4:0. Беллашув сўнгида Асадбек Собиржонов наманганликларнинг бешинчи голини киритди.

Шу тариқа, "лочинлар" ўз уйида  ғалабани тантана қилди.