Суперлига. "Навбаҳор" ва "Насаф" мухлислар қаршисида гол ура олмади

Ўзбекистон Суперлигаси 1-туридан ўрин олган "Навбаҳор" - "Насаф" учрашуви якунига етди. 

Томонлар мухлислар билан тўлиб-тошган стадионда бирорта гол ура олмади. Баҳс 0:0 ҳисобида тугади.

Шундай қилиб, "лочинлар" ва "аждарлар" чемпионатни очко йўқотиш билан бошлади.

• 90+5'
  

  Учрашув якунланди. "Навбаҳор" ва "Насаф" мавсумни очко йўқотиш билан бошлади.

• 90+3'

  Футболчилар бироз чарчади, чоғи, хавфли ҳужумлар бироз камайди.

• 90+1'
  

  Иккинчи қаватдаги тўп учун курашда "Насаф" посбони кичик жароҳат олди. Унга тиббий ёрдам керак.

• 90'
  

  Ўйиннинг асосий вақтига 5 дақиқа қўшилди.

• 89'

  Собиржонов жарима майдони ичига хавфли узатма амалга оширди. Тўпга ҳужумчилардан олдин Эргашев етиб келди.

• 88'

  Андреевнинг узатмаси кўнгилдагидек чиқмади. Дарвозабон тўпга эга чиқди.

• 87'

  Сўнгги дақиқаларни наманганликлар кичик устунлик билан ўтказмоқда.

• 85'
  

  "Насаф" дурангга рози кўринади. Умид Эргашев вақт чўзгани учун огоҳлантирилди.

• 84'

  Жамшид Болтабоевнинг зарбаси ноаниқ кетди.

• 84'
  

  Норчаев ўз ўрнини Семир Смайлагичга бўшатиб берди.

• 83'
  

  Ғолиб Ғайбуллаевга тиббий ёрдам кўрсатилмоқда.

• 81'

  Кичик устунлик "лочинлар" томонда. "Аждарлар" ўз омадини қарши ҳужумдан изламоқда.

• 79'

  Марконинг навбатдаги зарбаси ноаниқ кетди.

• 78'

  Тўхтасинов ўта қулай имкониятни кўкка совурди. Нурилло яқин масофадан бош билан ноаниқ зарба берди.

• 77'

  Ҳусаин Норчаев ҳужумда ёлғизланиб қолмоқда.

• 75'
  

  Асад Собиржонов ўйиндан ташқари ҳолатда қолиб кетди.

• 74'

  Искандеровнинг стандартдан узатган тўпи қайтарилди.

• 73'
  

  "Насаф" таркибида иккита ўзгариш: Шаҳзод Акрамов ва Баҳром Абдураҳимов ўрнига Иван Соловьёв ва Суҳроб Нуруллоев майдонга тушди.

• 72'
  

  Голбаннинг уринишидан сўнг тўп дарвоза тўсини юқорисидан ўтиб кетди.

• 71'

  Жокич дарвоза томон "пушка" йўллади. Ғайбуллаев тўп йўналишини ўзгартирди.

• 69'

  Бабаян шогирдлари босимни оширмоқда. Ўз навбатида, меҳмонлар ҳам хавфли қарши ҳужумлар уюштиряпти.

• 67'

  Ғайбуллаевнинг зарбасига аниқлик етишмади.

• 65'

  Эшмуродов ҳимояда жуда ишончли ҳаракат қилиб, Марушич бирга-бир вазиятга чиқиб боришининг олдини олди.

• 64'

  Ўз жойини ташлаб олдинга чиққан Юсупов бироз қалтис ҳаракат қилди. Унинг бахтига Ҳусаин тўпни олиб қўя олмади.

• 63'
  

  “Навбаҳор” таркибида иккита ўзгариш: Элгужа Григалашвили ва Исломжон Кенжабоев ўрнига Зоран Марушич ва Асадбек Собиржонов майдонга туширилди.

• 61'
  

  Насруллаев ва Ҳошимовга сариқ карточка кўрсатилди.

• 59'

  Ўйин ўта шиддатли темпда давом этмоқда. Мухлислар ўз суюклиларини тиним билмай қўллаб-қувватлаяпти.

• 57'
  

  Мезбонлар вакили воқеалар ривожидан илгарилаб кетди. Ҳакам ўйинни тўхтатди.

• 55'

  Бир рақибидан ўтган Кенжабоев қўполлик эвазига тўхтатилди.

• 54'
  

  Искандеровнинг жарима майдонига оширган тўпини дарвозабон эгаллаб олди.

• 52'

  Станоевичнинг уринишидан сўнг Юсупов тўпни ушлаб олди.

• 51'

  Насруллаевнинг олис масофадан берган зарбаси ноаниқ кетди.

• 50'

  Аҳмедов ҳимояда тўпни узоқлаштиришда хатога йўл қўйди. "Навбаҳор"да бурчак тўпи.

• 49'

  "Насаф" 3 та марказий ҳимоячи билан ўйнамоқда.

• 47'

  Қанотдан етказиб берилган тўпга Марко бош билан ноаниқ зарба берди.

• 46'
  

  Танташевнинг ҳуштаги билан иккинчи таймга старт берилди.

• 46'

  Футболчилар майдонга қайтди. Биз ҳам қайтамиз!

• 45+5'
  

  Танаффус!

• 45+5'

  Тўхтасинов жарима майдони ичидан жуда ноаниқ зарба берди. Қулай вазият яратилганди.

• 45+4'

  Искандеровнинг узатмасидан сўнг Кенжабоев тўпга ета олмади.

• 45+3'

  Баҳс майдон марказида давом этмоқда.

• 45+2'
  

  Яна бир жиддий тўқнашув. Бу сафар жабрланувчи ролида Акмал Мозговой.

• 45'
  

  Биринчи таймга 4 дақиқа қўшилди.

• 45'
  

  Мажбурий ўзгариш: Цигер ўз ўрнини Азим Аҳмедовга бўшатиб берди.

• 42'
  

  Боян Цигер жароҳат олди. Унга тиббий ёрдам керак.

• 40'
  

  Болтабоев жарима майдони ичидан зарба йўллади. Дарвозабон ўз ўрнида!

• 40'

  Искандеровнинг жарима майдонига оширган тўпи узоқлаштирилди.

• 38'

  "Аждарлар" майдон марказида тўпни назорат қилмоқда.

• 36'

  Марконинг зарбаси йўлига ҳимоячилар ғов бўлди.

• 34'

  Бердиев шогирдлари секин-асталик билан ташаббусни қўлга олмоқда.

• 32'

  Ислом Кенжабоевнинг зарбасига аниқлик етишмади.

• 30'
  

  Иккинчи қаватдаги тўп учун курашда Ўткир Юсупов жароҳат олди. Унга тиббий ёрдам кўрсатилмоқда.

• 29'
  

  Станоевичнинг бу сафарги бурчакдан оширган тўпи ҳам ҳимоячилар томонидан қайтарилди.

• 27'

  Мозговой ажойиб ҳаракат қилиб, рақиб ҳужумини тўхтатди.

• 26'

  Айни дақиқаларга келиб тўп назорати қаршиликлар томонда бўлиб турибди.

• 24'

  Ҳусниддиннинг бу сафарги уриниши аниқ, лекин кучсиз чиқди.

• 23'

  Тайм экваторига келиб, ўйин тенг курашлар остида давом этмоқда. Яъни, "аждарлар" ҳам фаоллашди.

• 22'

  Беллашув анча шиддатли темпда давом этмоқда!

• 21'
  

  "Насаф" тарбияланувчиси Ислом Кенжабоев собиқ жамоаси дарвозасини нишонга олди. Эргашев вазиятни бартараф этди.

• 19'
  

  Бу сафар Алиқулов дарвозани "ўққа тутди". Ўткир ўз ўрнида!

• 17'
  

  Марконинг жарима майдони ташқарисидан берган зарбасини Юсупов ушлаб олди.

• 16'

  Андреев аксарият вазиятларда ҳужумга ўтиб кетмоқда ва натижада, унинг қаноти очиқ қоляпти.

• 14'

  Тўп қаршиликларда бўлиб турган пайтда "лочинлар" кўпчилик билан ҳимояланмоқда.

• 13'
  

  Марконинг жарима майдонига узатган тўпи қайтарилди.

• 12'

  Насруллаевнинг узатмасидан кейин ҳимоячи тўпни майдон ташқарисига чиқариб юборди. Бурчак зарбаси.

• 11'

  Дастлабки ўн дақиқалик ортда қолди. Кичик устунлик майдон эгалари томонда бўлиб турибди.

• 9'

  Саитовнинг уринишидан сўнг тўп ҳимоячига тегиб, ўз йўналишини ўзгартирди.

• 8'
  

  Жамшид Болтабоевнинг жарима майдони ташқарисидан берган аниқ зарбасини дарвозабон қайтарди. 

• 7'

  Жарима майдонига етказиб берилган тўпни Эргашев ушлаб олди.

• 7'

  Рақибдан тўпни олиб қўйган Кенжабоев ҳужумни давом эттира олмади. 

• 6'

  Майдонга йиғилган мухлислар бир сонияга бўлса ҳам тинчимаяпти. 

• 5'

  Жуда камёб ҳолат: кабутарлар майдон узра учиб юрибди ва бу футболчиларнинг эркин ҳаракат қилишига бироз ҳалал бермоқда.

• 4'

  "Лочинлар" тўп назоратини қўлга олишга ҳаракат қиляпти.

• 2'
  

  Илк сонияларданоқ майдонда шиддатли кураш кечмоқда. Акрамовга тиббий ёрдам кўрсатилмоқда.

• 1'
  

  Учрашувга старт берилди!

• 0'

  Наманган футболи тарбияланувчиси, ЎФА вице-президенти Одил Аҳмедов нутқ сўзламоқда.

• 0'

  Ўзбекистон Республикаси мадҳияси янграмоқда! Бутун стадион уни тўлиб-тошиб ижро этяпти!

• 0'

  Наманган вилояти ҳокими Шавкат Абдуразаков сўзга чиқиб, Наманганда катта футбол мавсумини очиб берди!

• 0'

  Футболчилар майдонга тушиб келди.