Суперлига. Офсайддан гол урган "Бунёдкор" сўнгги дақиқада "Турон"дан ғалабани илиб кетди

Ўзбекистон Суперлигаси 17-туридан ўрин олган "Турон" - "Бунёдкор" баҳси якунланди. Унда меҳмонлар 2:1 ҳисобида зафар қучди.

Меҳмонлар дастлаб Фарҳод Ўткировнинг голи эвазига ҳисобда олдинга чиқиб олди. Бироқ кейин маълум бўлишича, бу гол офсайддан урилган экан. Иккинчи голни эса Расул Йўлдошев киритди. Майдон эгаларининг ягона голи Файзулло Жуманқўзиев номига қайд этилди. 

Шу тариқа, "Бунёдкор" 23 очко билан 7-ўринга чиқиб олди. 12 очкоси бор "тулпорлар" 12-поғонадан жой эгаллаган.