Суперлига. ОКМК кичик камбэк эвазига "Турон"дан устун келди

Ўзбекистон Суперлигаси 24-туридан ўрин олган ОКМК - "Турон" баҳси бўлиб ўтди. Унда мезбонлар 2:1 ҳисобида рақибдан устун келди. 

Дастлаб, 6-дақиқада Рустамхон Азимов беллашувда ҳисобни очган бўлса, 38-дақиқада Хуршид Ғиёсов пенальтидан гол уриб, мувозанатни тиклади. Биринчи бўлимнинг асосий вақтига қўшиб берилган дақиқаларнинг иккинчисида Эрматов олмалиқликларни олдинга олиб чиқди. 

Шу тариқа, ОКМК ҳисобидаги очколари сонини 42 тага етказиб олиб, "Навбаҳор"га яқинлашиб олди.