Суперлига. "Пахтакор" - "Қизилқум": Матнли трансляция
- 90+3'
Учрашув якунланди! Матнли трансляция Жавоҳир Азимов томонидан олиб борилди!
- 90+2'
Черан Сергеевни қулай вазиятга чиқарди. Аммо Игорнинг тезлиги панд берди.
- 90'
Асосий вақтга 3 дақиқа қўшиб берилди.
- 88'
"Пахтакор" ҳимояда тўпни олиб қўйиши биланоқ уни шунчаки тепиб юбормоқда.
- 87'
Машариповга нисбатан жиддий қўполлик ишлатилди. Ҳакам оғзаки огоҳлантириш билан чекланди.
- 84'
Ўйин темпи бироз пасайди. Футболчилар чарчади чоғи.
- 81'
Алижонов майдонни тарк этди. Унинг ўрнига Акром Комилов ўйинга қўшилди.
- 80'
Рақибига нисбатан қоида бузган Алишер Саноев огоҳлантирилди.
- 76'
ГООООООООООЛЛЛЛЛЛЛ! Аброр Исмоилов гол урди!
Ҳимоячилардан қайтган тўпга зарба берган Исмоиловнинг уриниши рекашет натижасида дарвоза тўридан жой олди.
- 75'
Эркинов ҳамда Исмоилов майдонга тушди. Улар ўрнига Ҳамдамов ва Собирхўжаев захирага олинди.
- 74'
ГООООООООООЛЛЛЛЛЛЛ! Сайфиев ҳисобни ўзгартирди!
Жарима майдони марказида пайдо бўлган ҳимоячи дарвозани ишғол қилди.
- 70'
Шерали Жўраев жарима майдонида катта бўшлиққа эга бўлди. Аммо унинг узатмаси кўнгилдагидек чиқмади.
- 69'
Эрен Дердийок ўз ўрнини Игорь Сергеевга бўшатиб берди.
- 67'
Машариповнинг зарбаси жонли девордан ўтмади. Такрорий зарбага аниқлик етишмади.
- 66'
Жарима майдони яқинида Ҳамдамовга нисбатан қўполлик ишлатилди. "Пахтакор"да хавфли стандарт юзага келди.
- 64'
Майдон эгалари марказда тўп назоратини қўлга олди.
- 61'
Алижоновнинг марказга оширган тўпини Саноев майдон ташқарисига чиқариб юборди. "Пахтакор" навбатдаги бурчак тўпидан наф чиқара олмади.
- 59'
"Қизилқум" сафида ҳаракат қилган Ҳасанов ўрнига Азимов туширилди
- 57'
Ўйин тенг ҳужумлар остида кечмоқда.
- 54'
Алижонов огоҳлантирилди.
- 52'
Алишер Саноевнинг марказга узатган тўпи манзилга аниқ бормади.
- 50'
Иккинчи таймни ҳам "Пахтакор" нисбатан фаол бошлади.
- 47'
Нестеровдан даблсейв! Алтжоновнинг кетма-кет йўллаган икки зарбасини тажрибали посбон қайтарди.
- 46'
Иккинчи бўлим бошланди!
- 46'
Футболчилар майдонга қайтди. Биз ҳам қайтамиз!
- 45+1'
Танаффус!
- 45'
Биринчи бўлимга 1 дақиқа қўшиб берилди.
- 43'
Сайфиев воқеалар ривожидан бироз илгарилаб кетди.
- 41'
Бурчак тўпидан сўнг меҳмонлар жарима майдонида саросима юзага келди. Бироқ "Қизилқум" аъзолари биндан фойдалана олмади.
- 39'
Гбадамоси жуда қулай имкониятни кўкка совурди. Дарвозабон билан бирга-бир вазиятга чиққан футболчи зарба йўллашга кечикди.
- 37'
Тўп қаршисига яқинлашган Жалолиддиннинг зарбаси ноаниқ чиқди.
- 36'
Машариповга нисбатан ишлатилган қўполлик натижасида "шерлар" стандарт вазиятга эга бўлди.
- 34'
Аъзамовнинг хатосидан кейин Гбадамоси тўпни эгаллаб олдинга югурди. Аммо ҳужумда Қиличов ҳамда Ибрагим ўзаро тушунмовчилик натижасида тўпни йўқотишди.
- 32'
Машариповнинг зарбасига бироз аниқлик етишмади.
- 30'
Ўйин жуда қизиқарли суръатда давом этмоқда.
- 29'
Толмасов ўта жиддий хатога йўл қўйди. Унинг Нестеровга жуда секин оширган тўпига Машарипов етиб олишига бир баҳя қолди.
- 28'
ГООООООООООЛЛЛЛЛЛЛ! Ойбек Қиличов ҳисобни тенглаштирди!
Марказда тўпни қабул қилиб, бир неча рақибларидан ўтган Ойбек Қиличов жарима майдонига кирмасдан зарба йўллади. Қувватовнинг хатоси туфайли тўп дарвозадан ўрин олди!
- 27'
"Қизилқум"нинг ҳужумлари ҳам анча кескин тус олмоқда. Ҳатто Дердийок ҳам орқага қайтишга мажбур бўляпти.
- 26'
Черан ва Нестеров тўқнашиб кетди. Мезбонлар вакилига тиббий ёрдам керак.
- 25'
"Шерлар" рақиб ҳужумини яхши бартараф этиб, дарҳол қарши ҳужумга ўтди. Машариповнинг жарима майдонига узатган хавфли пасига Нестеров эга чиқди.
- 23'
Меҳмонлар тўп назоратини ўзларида ушлаб турибди. Аммо олдинга ўтиш осон кечмаяпти.
- 21'
Одил Ҳамробеков рачибининг тезкор қарши ҳужумини марказдаёқ бартараф этди.
- 19'
Гол ўтказиб юборган навоийликлар фаолликни оширди.
- 17'
ГООООООООООЛЛЛЛЛЛЛ! Дердийок ҳисобни очди!
Машариповнинг қанотдан уюштирган рейди оқибатида тўп марказга оширилди. Нестеров тўпни қўлллари билан уриб юборди ва тўп Дердийок оёқлари остига келди. Ҳужумчи вазиятдан унумли фойдаланди!
- 16'
Машариповнинг жарима тўпидан йўллаган зарбасини Нестеров қайтарди.
- 14'
Машарипов тезкор қарши ҳужумга ўтди ва Толмасовни алдаб ўтди. Бироқ Олег унга нисбатан қоидани бузди.
- 12'
Ибрагим Гбадамосининг зарбасига аниқлик етишмади.
- 10'
Алижоновнинг узатмасига зарба берган Чераннинг уриниши кучсиз чиқди.
- 7'
Меҳмонлар яхши ҳимояланмоқда. "Пахтакор" футболчиларига осон бўлмаяпти.
- 4'
"Шерлар" ўйинни анча фаол бошлади.
- 2'
"Пахтакор" киритган тўп ўйиндан ташқари ҳолат сабабли ҳисобга олинмади.
- 1'
Учрашув бошланди!
Фикрлар