Суперлига. "Қизилқум" "Бунёдкор" устидан қийинчиликсиз қалаба қозонди

Ўзбекистон Суперлигаси 2-туридан ўрин олган "Қизилқум" - "Бунёдкор" учрашуви якунига етди. Унда мезбонлар ишончли 3:1 ҳисобида ғалабани қўлга киритди. 

Учрашувда голларга "Қизилқум"дан Шерали Жўраев, Темурхўжа Абдуҳолиқов ва Александр Станисавлевич муаллифлик қилди. Меҳмонлар сафида ягона гол пенальтидан унумли фойдаланган Дилшод Жўраев номига ёзилди. 

Ушбу натижадан сўнг навоийликлар очколари сонини 6 тага етказиб олди. "Бунёдкор" ҳисобида ҳозирча 1ё очко мавжуд. 

• 90+4'
  

  Учрашув якунига етди. "Қизилқум" 3:1 ҳисобида "Бунёдкор"ни мағлуб этди.

• 90+2'
  

  ГОООООООООЛ! "Бунёдкор" вакили Дилшод Жўраев пенальтидан ҳисобни қисқартирмоқда.

• 90'

  Учрашувга 4 дақиқа вақт қўшиб берилди.

• 86'
  

   "Қизилқум" таркибида ўзгариш. Александр Станисавлевич ўрнига Салим Мустафоев майдонга тушди.
   

• 84'

  "Қалдирғочлар" тўп назоратига эгалик қилмоқда.

• 80'
  

  "Бунёдкор" сафида ўзгариш. Одилжон Абдураҳмонов Махмуджон Махамаджонов ўрнига, Хусайн Эргашбоев эса Усмонали Исмоналиев ўрнига баҳсга қўшилди.

• 80'

  Санжар Шоахмедовнинг ажойиб зарбасини Султонов қийинчилик билан қайтариб қолди.

• 79'
  

  Билол Туплиевга сариқ карточка кўрсатилди.

• 75'
  

  ГОООООООЛ! Станиславлевич рақиб ҳимоячисининг қўпол хатосидан кейин Султонов билан бирга-бир вазиятга чиқиб борди ва ҳисобни йириклаштирди - 3:0.

• 72'

  Исмоналиевнинг зарбасидан сўнг Нестеров жамоасини муқаррар голдан сақлаб қолди.

• 71'
  

  Ислом Тўхтахўжаев огоҳлантирилди.

• 68'
  

  Нархнинг зарбаси рақиб футболчиларига тегиб, майдондан чиқиб кетди. Бурчак зарбаси меҳмонлар фойдасига.

• 65'

  Суҳроб Иззатов ажойиб юриш қилиб, рақиб жарима майдончасига кириб борди. Унинг чап оёқда ерлатиб берган зарбаси ноаниқ кетди. 

• 63'
  

  "Бунёдкор" сафида Иброҳим Томива ўрнига Францис Нарх майдонга тушди. Расул Йўлдошев ўз ўрнини Билол Туплиевга бўшатиб берди.

• 58'

  Майдонда жиддий тўқнашув юзага келди. 

• 55'

  Санжар Шоахмедовнинг зарбасига "Бунёдкор" ҳимоячилари "блок" қўйди. 

• 52'

  "Қалдирғочлар" ҳужумига дадиллик етишмаяпти.

• 49'

  Майдон марказида "Қизилқум" футболчисига нисбатан фол ишлатилди.

• 46'

  Шерали Жўраевнинг товони билан берган узатмасини Абдуҳолиқов голга айлантирди.

• 46'

  ГООООООООЛ! "Қизилқум" ҳисобни 2:0га келтириб қўйди.

• 45'
  

  Иккинчи бўлимга старт берилди. 

• 45+4'
  

  Биринчи бўлим якунига етди. Ҳисоб 1:0 "Қизилқум" фойдасига.

• 45+3'

  Меҳмонлар ҳужумга ўтишга ҳаракат қилмоқда. Бироқ навоийликлар тартибли ўйин кўрсатяпти. 

• 45'

  Тўхталишлар ўрнини қоплаш мақсадида биринчи бўлимга 4 дақиқа вақт қўшиб берилди.

• 45'

  Бобур Йўлдошевнинг кучли зарбасини Султонов бартараф этди. Аммо қайтган тўпни Шерали Жўраев бўш қолган дарвозага жойлаб қўйди.

• 45'
  

  ГОООООООООЛ! "Қизилқум" ҳисобни очмоқда. 

• 44'

  "Олтин изловчилар" яна бир қулай вазиятни кўкка совурди. Султоновдан ажойиб ҳаракат.

• 42'

  Яна шифокорлар ёрдамга чиқди. "Қизилқум" футболчиси тиббий хизматга муҳтож.

• 40'

  Учрашувда кескинлик ошиб бормоқда.

• 37'

  "Қизилқум" стандартдан ажойиб имкониятга эга бўлди. Лекин Султонов яна бир бор жамоаси жонига оро кирмоқда.

• 35'
  

  Мехмонлар футболчиси Маҳмуд Маҳамаджонов огоҳлантирилди.

• 34'

  Игнатий Нестеров ва Маҳмуд Маҳамаджоновга тиббий хизмат кўрсатиляпти.

• 33'

  Маҳмуд Махамаджонов яхши имкониятдан гол ура олмади.

• 31'

  "Қалдирғочлар" аъзоси Усмонали Исмоналиевга тиббий ёрдам кўрсатилмоқда.

• 28'
  

  Мезбонлар бош мураббийи Хамиджон Актамовга сариқ карточка кўрсатилди.

• 25'

  Дмитриевнинг зарбасидан сўнг тўп тўғри Султоновнинг қўлига бориб тушди.

• 23'

  Учрашувда хавфли вазиятлар камайиб кетди.

• 20'

  Меҳмонлар ҳужуми ноаниқ пас туфайли якунига етмай қолди.

• 17'

  Шухрат Муҳаммадиевнинг бош билан йўллаган зарбасидан сўнг Сухроб Султонов ажойиб сейв ижро этди. 

• 14'

  "Бунёдкор" посбони Сухроб Султонов тўпга чиқишда жиддий хатога йўл қўйди. Шунга қарамай, мезбонлар бу вазиятдан унумли фойдалана олмади.   

• 12'

  "Қалдирғочлар" тўп назоратига эгалик қиляпти.

• 10'

  "Қизилқум" вакили Темурхўжа Абдухолиқов хавфли зарба берди. Бироқ ушбу вазиятда у офсайдда, деб топилди. 

• 8'
  

  Тушунарсиз сабаб туфайли гол инобатга олинмади. Ҳисоб 0:0.

• 6'
  

  ГООООООООЛ! "Бунёдкор" ҳисобни очмоқда. Гол муаллифи Сухроб Иззатов.

• 3'

  Майдон марказида номинал мезбонлар тўпни назорат қилиб турибди.

• 0'
  

  Беллашувга старт берилди.

• 0'

  Жамоалар ПФЛ мадҳияси садолари остида майдонга чиқиб келмоқда.

• 0'

  Ассалому алайкум, қадрли футбол ишқибозлари! Ўзбекистон Суперлигаси 2-туридан ўрин олган "Қизилқум" - "Бунёдкор" учрашуви бўлиб ўтмоқда. Мазкур ўйиндан матнли трансляцияни сайтимиз орқали кузатиб боринг.