Суперлига. "Сўғдиёна" сафардаги ўйинларда "Сурхон" учун ноқулай рақиб ёхуд "бўрилар" ва "учар тулпорлар" дуэли олдидан статистика! (фото)

Хабарингиз бор 23 июнь куни "Сўғдиёна" жамоаси Тошкентдаги Пахтакор стадионида "Сурхон" меҳмони бўлади. Сўғдиёна матбуот хизмати ушбу жамоалар ўртасидаги ўзаро учрашувлар тарихидан маълумот берди.

"Сурхон" - "Сўғдиёна" жамоалари шу бугунгача Ўзбекистон чемпионатларида 30 маротаба рўбаро келган. Статистикага эътибор берадиган бўлсак, ўзаро ўйинларда "бўрилар" устунлик қилмоқда.

30 учрашувдан 15 тасида жиззахликларнинг қўли баланд келган, 3 та бахсда кучлар тенг келган бўлса, қолган 12 учрашувда "Сурхон" ғалаба қозонган. Тўплар нисбати бўйича "Сўғдиёна" устун: 54-41. Жиззах клубининг энг йирик ғалабаси 1992 йили 10-0 ҳисобида якунланган. "Сурхон" жамоасининг энг йирик ғалабаси 7-1 ҳисоби билан якунланган.

Жамоаларнинг Сурхон майдонида ўтган сўнгги 4 учрашуви:

Сурхон - Сўғдиёна 2-4 18.05.2022.
Сурхон - Сўғдиёна 0-1 11.09.2021.
Сурхон - Сўғдиёна 1-2 03.12.2020.
Сурхон - Сўғдиёна 1-0 24.11.2019.

Сўғдиёна матбуот хизмати.