Суперлигада "қоқилмаган" 3 та жамоа қолди (фото)

Бугун Ўзбекистон Суперлигаси 7-тур ўйинлари старт олади.

Ҳозирга келиб, Улуғбек Бақоев бошчилигидаги "Сўғдиёна" 14 очко билан турнир жадвалида пешқадамлик қилмоқда. "Бўрилар" 6 та ўйинда майдонга тушиб, 4 марта ғалаба қозонган ва 2 бор дуранг ўйнаган. Жиззахликлар ҳали мағлубият аламини тотиб кўрмади.

Шунингдек, Суперлигада яна икки жамоа – "Пахтакор" ва "Насаф" ҳалигача мағлуб бўлмади. "Шерлар" 5 ўйиннинг 3 тасида зафар қучди ва иккитасида дурангга имзо чекди. "Аждарлар" эса икки ғалаба ва икки дуранг билан 6-ўринда бормоқда.