Superliganing bir o‘yinida uch qarama-qarshilik

Superliga 4-turida "Qo‘qon-1912" – “Metallurg” uchrashuvi bo‘lib o‘tadi. Qo‘qonliklar matbuot xizmati bellashuv oldidan qiziq ma’lumotni taqdim etdi.

Ushbu bahsda o‘tgan mavsumni "shunqorlar" safida o‘tkazgan Shohnazar Norbekov maydonda "Qo‘qon-1912"ga qarshi to‘p tepishi mumkin. Shuningdek, o‘tgan yili "Metallurg" safida o‘ynagan Shahzodbek Nurmatov ham sobiq jamoasi "Metallurg"ga qarshi harakat qilishi mumkin.

Va yana o‘tgan mavsumda Yaypanning "Turon" jamoasi safida birga maydonda to‘p tepgan Fozil Musaev hamda Bilolxon Toshmirzaev bir-biriga raqib bo‘lishi kutilyapti.