Сурия - Ўзбекистон: Матнли трансляция

Ассалому алайкум, муҳтарам футбол ихлосмандлари. ФИФА кунлари доирасида Сурия - Ўзбекистон терма жамоалари ўртасидаги ўртоқлик учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

Сурия

    Ўртоқлик учрашувлари 1-тур

    12/11/2020 21:00

    1
    :
    0
    Тугади

    Ўзбекистон

      Стадион: "Шаржа"

        45'
        90'

          • 90+6'

            Учрашув якунланди! Матнли трансляция Жавоҳир Азимов томонидан олиб борилди!

          • 90+5'

            Футболчиларимиз катта иштиёқ билан олдинга ўтиш мобайнида бироз шошилиб қолмоқда.

          • 90+4'

            Марказга оширилган тўпни вакилларимиз дарвозага йўллашга ҳаракат қилди. Бу сафар ҳам Ҳожимат Эркинов зарба берди ва унинг уриниши тўсинга тегди. Жуда қулай имконият қўлдан кетди.

          • 90+3'

            Ҳужумга ўтаётган футболчиларимиз яна бир бор бурчак тўпи ишлаб олди.

          • 90+1'

            Бурчакдан етказиб берилган тўпни дарвозабон ушлаб олишда хатога йўл қўйди. Ерга йиқилиб тушгандан сўнг, бироз майдонда ётди.

          • 90'

            Ўйиннинг асосий вақтига 6 дақиқа қўшиб берилди. Ўйин тақдирини ўзгартириш учун сўнгги имконият!

          • 89'

            Эркинов! Ҳожиматнинг зарбаси тўсинга тегиб, майдонга қайтди. Футболчиларимизга бироз омад етишмади.

          • 88'

            Футболчиларимиз рақиб жарима майдони олдида штурм уюштирмоқда.

          • 87'

            Дарвозабонга тиббий ёрдам кўрсатилмоқда.

          • 86'

            Эркинов иккинчи қаватдаги тўп учун курашда дарвозабон билан тўқнашиб кетди.

          • 84'

            Вакилларимиз катта иштиёқ билан ҳужумга ўтмоқда. Сурияликлар зич ҳимояланяпти.

          • 82'

            Санжар Қодирқулов Лутфулло Тўраевни алмаштирди.

          • 81'

            Футболчиларимиз учун ҳужумга ўтиш осое кечмаяпти. Рақиб тартибли ҳимояланмоқда.

          • 79'

            Лутфулло Тўраевнинг хатосидан кейин рақиб катта тезликда қарши ҳужумга ўтаётган эди. Ҳолмухаммедов қоида бузиш эвазига уни тўхтатди. Ҳакам ҳимоячимизга сариқ карточка кўрсатди.

          • 77'

            Жарима майдони яқинида Ҳамдамов қўполлик ишлатди. Рақибларимизда яхши стандарт юзага келди.

          • 76'

            Боир Абдиҳолиқов ўрнига Темурҳўжа Абдуҳолиқов ўйинни давом эттиради.

          • 74'

            Ўйин тенг курашлар остида давом этмоқда. Футболчиларимиз фаолроқ ҳаракат қилиши шарт!

          • 72'

            Эркинов қанотда икки рақибини алдади. Бироқ ўзидан тўпни узоқлаштириб юборди. Вазият бой берилди.

          • 71'

            Сурия терма жамоаси футболчисига тиббий ёрдам кўрсатилмоқда.

          • 69'

            Игорь Голбан ҳамда Жамшид Искандеров захирага олинди. Улар ўрнига Мурод Ҳолмухаммедов ва Аброр Исмоилов ўйинни давом эттиради.

          • 67'

            Сурия таркибида ўзгариш юз берди.

          • 65'

            Ислом Қобилов рақибини анча жиддий кутиб олди. Ҳакам унга сариқ карточка кўрсатди.

          • 64'

            Искандеров жарима майдони ичида Эркиновга тўп оширди. Унинг ниятини ҳимоячи пайқаб, хавфни бартараф этди.

          • 64'

            Тўп назорати ва устунлик вакилларимиз томонга ўтди.

          • 63'

            Юлдошев рақибини усталик билан алдаб ўтди. Суриялик футболчи уни чалиб йиқитди.

          • 62'

            Майдонни Жалолиддин Машарипов ҳамда Ойбек Бозоров тарк этди. Улар ўрнига Достонбек Ҳамдамов ва Ҳожимат Эркинов ўйинга қўшилди.

          • 60'

            Яшавор!! Абдувоҳид Нематов пенальтидан йўлланган зарбани қайтарди. Ўзидан чап томонга отилган дарвозабонимиз тўп йўналишини топа олди.

          • 58'

            Игорь Голбан жарима майдони ичида рақибни ўтказиб юборди ва унга нисбатан қўполлик ишлатди. Ҳакам нуқтага ишора қилди.

          • 56'

            Абрамов шогирдлари рақиб жарима майдони яқинида тўпни назорат қилмоқда. Аммо ичкарига кириш имкони бўлмаяпти.

          • 54'

            Сурияликлар марказда тўпни ушлаб турибди. Футболчиларимиз прессингда.

          • 53'

            Ойбек Бозоров рақиб жарима майдони ичида рақибни чалиб йиқитди. Ҳакам уни огоҳлантирди.

          • 52'

            Иброҳимхалил Юлдошевга нисбатан қоида бузган Юсуф ал-Ҳамвий қизил карточкага лойиқ кўрилди. Таркибдаги футбочилар сони тенглашди.

          • 50'

            Рақиб футболчиси Юлдошевга нисбатан жиддий қўполлик ишлатди. Вазиятнинг ҳар икки қаҳрамонига тиббий ёрдам кўрсатилмоқда.

          • 49'

            Футболчиларимиз голга муносиб реакция билдира олди. Абдиҳолиқовнинг зарбасини дарвозабон қийинчилик билан қайтарди.

          • 48'

            ГОЛ! Рақиб ҳисобни очди!

            Дарвозабон билан бирга-бир вазиятга чиққан Маҳмуд ал-Мавас Нематовни ожиз қолдирди.

          • 47'

            Иккинчи таймни ҳам вакилларимиз тўп назоратини қўлга олиш билан бошламоқда.

          • 46'

            Иккинчи тайм бошланди!

          • 46'

            Бўлимлар оралиғида сурияликлар сафида 3 та ўзгариш юз берди.

          • 46'

            Футболчилар майдонга қайтмоқда. Биз ҳам қайтамиз!

          • 45+2'

            Танаффус!

          • 45+1'

            Жарима тўпидан зарба берган Ғаниевнинг уринишига анқилик етишмади.

          • 45'

            Биринчи бўлимга 1 дақиқа қўшиб берилди.

          • 45'

            Абдихолиқов тўпни ўзига бўйсундириб, олдинга ўтди. Ҳимоячи уни қўполлик билан тўхтатди. Тайм сўнгида вакилларимизда яхши стандарт вазият юзага келди.

          • 44'

            Ҳимояга қайтган Машарипов тўпни узоқлаштирди.

          • 43'

            Лутфулло Тўраев ҳимояда тўпни олдирди. Унинг ўзи рақиб узатган тўпни майдондан чиқариб юборди.

          • 42'

            Чуқур прессингда ўйнаётган футболчиларимиз рақиб майдонида тўпни олиб қўймоқда. Бироқ ҳужумни давом эттиришнинг иложи бўлмаяпти.

          • 40'

            Голбан марказда рақибни тактик фол билан тўхтатди. Ҳакам уни оғзаки огоҳлантириш билан чекланди.

          • 39'

            Футболчиларимиз навбатдаги бурчак тўпидан наф чиқара олишмади.

          • 38'

            Машарипов фаол ҳаракатлари билан жарима майдони ичида тўпни шерикларига оширди. Ҳимоячи уни майдон ташқарисига чиқариб юборди.

          • 37'

            Абдихолиқов қанотдан ёриб киришга ҳаракат қилди. Рақиб ҳимоячиси уни тўхтатди.

          • 36'

            Кичик устунлик футболчиларимизда. Бироқ вакилларимиз вазиятлар яратишда бироз оқсамоқда.

          • 34'

            Жарима майдони ташқарисидан йўлланган кучли зарбани Нематов ажойиб ҳаракати билан зарарсизлантирди. 

          • 33'

            Вакилларимиз эрта прессинг уюштирмоқда. Бу рақиб дарвозабонига бироз муаммолар туғдиряпти.

          • 32'

            Аяс Усмон икки футболчимизни чалғитиб, зарба берди. Тўп тўсин юқорисидан ўтиб, майдонни тарк этди.

          • 31'

            Ғаниевнинг узатмасидан сўнг Машарипов ноаниқ зарба йўллади.

          • 29'

            Қарши ҳужумга ўтишда Искандеров қўполлик билан тўхтатилди.

          • 27'

            Марказга узатилган тўпни Қобилов дарвозабон учун тўхтатиб берди. Рақибнинг яна бир ҳужуми бартараф этилди.

          • 26'

            Ҳимоячиларимиз сунъий офсайд ҳосил қилишда яхши ҳаракат қилди. Рақиб ҳужумчиси ўйиндан ташқари ҳолатда қолиб кетди.

          • 25'

            Искандеров ҳужумда қоида бузди. Тўп рақибга ўтиб кетди.

          • 24'

            Абдихолиқов томон узатилган тўпни дарвозабон майдон ташқарисига чиқариб юборди.

          • 23'

            Ҳимоячиларимиз жарима майдонига оширилаётган тўпларни узоқлаштирмоқда. Қарши ҳужумга ўтиш осон кечмаяпти.

          • 22'

            Йўлдошев ҳимоядан чиқишда хатога йўл қўйди. Рақиб тўпни эгаллаб, позицион ҳужумни бошлади.

          • 21'

            Абдихолиқов тезликда ҳимоячидан ўтиб кетди. Бироқ вазиятга аралашган дарвозабон тўпни ушлаб олиб, хавфни бартараф этди.

          • 19'

            Терма жамоамизнинг навбатдаги ҳужуми Тўраевнинг ноаниқ узатмаси туфайли узилиб қолди.

          • 18'

            Искандеров шеригини олдинга бошлади. Машарипов тўпга ета олмади.

          • 17'

            Қанотдан жарима майдони марказига етказиб берилган тўпни Нематов ушлаб олди.

          • 16'

            Сурияликлар позицион ҳужум уюштирмоқда.

          • 15'

            Бобур Абдихолиқов офсайдда қолиб кетди.

          • 12'

            Стандарт вазиятдан берилган зарбани Нематов ушлаб олди.

          • 12'

            Ҳакамнинг қарорини муҳокама қилганлиги учун Лутфулло Тўраев огоҳлантирилди.

          • 10'

            Тўпни олиб қўйган рақиб дарҳол ҳужумга ўтди. Дарвозабон билан бирга-бир вазиятга чиқиб борган суриялик футболчини Ҳожиакбар Алижонов қоида бузиш эвазига тўхтатиб қолди. Ҳакам уни майдондан четлатди.

          • 10'

            Жалолиддиннинг ўзи бурчакдан тўп оширди. Голбан зарба бера олмади.

          • 9'

            Машарипов қанотдан ёриб кириб, марказга тўп узатди. Ҳимоячилар тўпни майдон ташқарисига чиқариб юборди.

          • 8'

            Ҳозирча, ҳимоячиларимиз рақибга олдинга ўтиш учун ҳеч қандай имконият қолдирмаяпти.

          • 7'

            Чап қанотда Машарипов тўпни қабул қилиб, олдинга юрди. Бироқ шериклари унга етарли ёрдам беролмаганлиги туфайли, ортга қайтишга мажбур бўлди.

          • 5'

            Тўп назоратини футболчиларимиз ўз қўлларига олиш учун ҳаракат қилмоқда. Рақиб бунга прессинг билан жавоб қайтаряпти.

          • 3'

            Ўйинни ҳужум билан бошладик. Бироқ тўпни олиб қўйган рақиб дарҳол катта тезлик билан қарши ҳужумга ўтди. Неъматов ўз жойини ташлаб чиқиб, хавфни бартараф этди.

          • 1'

            Учрашув бошланди!

          • 0'

            Сардорлар расмий маросимларни якунлади. Старт учун барчаси шай!

          • 0'

            Футболчилар майдонга тушиб келди. Миллий мадҳиялар янгради.

          Матнда хатолик топсангиз, ўша хатони белгилаб, бизга жўнатинг (Ctrl + Enter)

          Фикрлар

          Фикр қолдириш учун авторизациядан ўтинг!
          &
          998915993686
          12/11/2020 22:59
          Bu kuningdan battar bòl chumolar tòp bn Suriyaliklarni doyim orqasidan quvib yurovir. Taktika 0,paslar 0, xisob 1 u 0 bizga yarashovradi qoganlarga sholpillab qoladi.