"Сурхон" бош мураббийи: "Биз яхшиланяпмиз"

Олдин хабар қилганимиздек, бугун “Сурхон” клуби чемпионатдаги қисқа танаффусдан унумли фойдаланиш мақсадида Қозоғистоннинг “Қиран” жамоасига қарши ўртоқлик учрашувини ўтказди ва унда ҳисоб очилмади – 0:0.

“Сурхон” бош мураббийи Анхель Лопес ўйиндан олган таассуротлари хусусида клуб матбуот хизматига шундай деди:

“Ҳамма жуда яхши ҳаракат қилди. Бутун ўйин давомида биз рақибдан устунлик қилдик. Ҳужум қилдик ва рақиб майдонида босим ўтказдик. Бизда тажовузкор ўйнай оладиган жуда кучли жамоа бор. Биз яхшиланмоқдамиз ва ҳар қадамда оптимал шароитларга яқинлашамиз”.