"Сурхон" етакчиси клубдан кетди

“Мавсум-2022”ни Термизнинг “Сурхон” клубида ўтказган ҳимоячи Бобур Акбаров яна ўз ўйинлари билан мухлисларнинг эътиборини қозонди. Бироқ жамоа сардори учун “Сурхон”даги фаолияти якунланди. Унинг ўзи Sports.uz сайтига клубни тарк этганини маълум қилди.

Акбаров Суперлигада 23 та ўйинда 1 та гол урди. Ўзбекистон Кубогида эса 2 та баҳсда 1 та гол муаллифига айланди.

Ҳозирда Бобур Акбаровнинг хизматига қизиқиш билдираётган клублар бор. Футболчи тез орада бир қарорга келиши кутилмоқда.