"Сурхон" фақат бир марта ОКМКни мағлуб этган

Суперлиганинг 1-турида ОКМК Тошкентда Термизнинг "Сурхон" жамоасига қарши майдонга тушади.

Ушбу учрашув жамоаларнинг мусобақа доирасидаги ўзаро 9-беллашуви бўлади. Ўтган мавсумдаги ҳар иккала баҳсда Миржалол Қосимов шогирдлари 2:1 ҳисобида ғалаба қозонганди.

Умуман олганда, ўзаро қарама-қаршиликдаги 8 тўқнашувда 7 бор “кончилар”нинг қўли баланд келган. “Сурхон” якка-ю ягона ғалабасини 2019 йил қўлга киритган. АГМК “Сурхон”ни кетма-кет 7 ўйиндан бери мағлуб этмоқда.

Бўлажак ўйинни бошқариш масъулияти Акобирхўжа Шукуруллаевга топширилган. ВАР ҳаками этиб эса Раҳимбек Каримов тайинланган.

Ўйин 5 март куни соат 14:00да Тошкентдаги “Пахтакор” стадионида бошланади.

«Сурхон» – ОКМК

5 март 2023 йил. Тошкент. “Пахтакор” стадиони. 14:00

Ҳакамлар: Акобирхўжа Шукуруллаев, Ришат Нугманов, Акмал Ғиёсов, Абдурашид Худойберганов

ВАР ҳаками: Раҳимбек Каримов

АВАР: Руслан Серазитдинов

Назоратчи: Константин Смирнов

Комиссар: Зоҳиржон Акрамхонов