"Сурхон" "Навбаҳор" футболчисини қўлга киритди

Яқинда испаниялик легионерларни ўз сафига қўшиб олган “Сурхон” клуби яна бир футболчи билан келишувга эришди.

“Навбаҳор”да тўп сурган Иброҳим Ғанихонов иккинчи даврани “Сурхон” жамоасида бошлайдиган бўлди. Бир неча кун аввал Анхель Лопес машғулотларига қўшилган иқтидорли ҳужумчи янги жамоаси билан бир тўхтамга келди.

14 июль куни 22 ёшни қаршилаган футболчи биринчи даврада “Навбаҳор” сафида кўп вақтини захирада ўтказди. Фақат тўртта учрашувда охирги дақиқаларда майдонга туширилди. “Сурхон”да унга кўпроқ имконият берилиши кутилмоқда.