“Сурхон” таркибида бир қатор ўзгаришлар бўлиши кутилмоқда

Биринчи давра ўз якунига етгандан сўнг, "Сурхон" клуби асосий таркибнинг деярли барча футболчиларига дам олиш имконияти берилган эди. Ўзбекистон Лига кубоги мусобақасида эса ёшлар жамоасига имконият яратиб берилди. Бугундан “Сурхон” жамоаси Тошкентда иккинчи даврага тайёргарликни бошлади. Бу ҳақда клуб матбуот хизмати хабар берди.

Ҳозирча, биринчи даврада ҳаракат қилган барча футболчилар жамоа билан бирга. Режа доирасида бир қатор ўртоқлик учрашувларида майдонга тушиш режалаштирилган. Таркибда бир қатор ўзгаришлар бўлиши кутилмоқда. Легионерлар Дарко Станоевич ва Владимир Бубанья Сербияда. Уларга бироз кўпроқ дам олиш имконияти берилган. Тез кунларда легионерлар жамоа машғулотларига келиб қўшиладилар. Шавкат Саломов ва Шерзодбек Каримов шу кунларда жамоа машғулотларига қўшилишлари кутилмоқда.