“Surxon” tarkibida bir qator o‘zgarishlar bo‘lishi kutilmoqda

Birinchi davra o‘z yakuniga etgandan so‘ng, "Surxon" klubi asosiy tarkibning deyarli barcha futbolchilariga dam olish imkoniyati berilgan edi. O‘zbekiston Liga kubogi musobaqasida esa yoshlar jamoasiga imkoniyat yaratib berildi. Bugundan “Surxon” jamoasi Toshkentda ikkinchi davraga tayyorgarlikni boshladi. Bu haqda klub matbuot xizmati xabar berdi.

Hozircha, birinchi davrada harakat qilgan barcha futbolchilar jamoa bilan birga. Reja doirasida bir qator o‘rtoqlik uchrashuvlarida maydonga tushish rejalashtirilgan. Tarkibda bir qator o‘zgarishlar bo‘lishi kutilmoqda. Legionerlar Darko Stanoevich va Vladimir Bubanya Serbiyada. Ularga biroz ko‘proq dam olish imkoniyati berilgan. Tez kunlarda legionerlar jamoa mashg‘ulotlariga kelib qo‘shiladilar. Shavkat Salomov va Sherzodbek Karimov shu kunlarda jamoa mashg‘ulotlariga qo‘shilishlari kutilmoqda.