"Сурхон" таркибига грузиялик легионер қўшилди

"Сурхон" клуби грузиялик футболчи билан шартнома имзолади. Бу ҳақда клуб матбуот хизмати маълум қилди.

"Жамоамиз сафига янги легионер қўшилди. Грузиялик 26 ёшли таянч ярим ҳимоячи "Сурхон" билан 1+1 кўринишидаги шартнома имзолади. Қайд этиш жоиз, Торнике Дзебниаури "Сурхон" тарихидаги илк грузиялик футболчи ҳисобланади.

Торнике Дзебниаури

Туғилган сана: 27.11.1999

Амплуа: таянч ярим ҳимоячи

Фуқаролиги: Грузия

Ўйнаган клублари:

"Локомотив" Тбилиси, Грузия (2018–2023)

"Сабуртало", Грузия (2021, ижара асосида)

"Женис", Қозоғистон (2023)

"Гареджи", Грузия (2024)

Шунингдек, Торнике Грузиянинг турли ёшлар терма жамоалари таркибида ҳам тўп сурган. Футбол клубимиз номидан Торнике Дзебниаурини қутлаймиз ва унга «Хуш келибсиз» деймиз", — дейилади термизликлар хабарида.