"Сурхон" ва "Олимпик" футболчиси 3 та ўйинга, "Навбаҳор" аъзоси эса 2 та ўйинга четлатилди

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Ташкилот расмий сайтининг хабар баришича, йиғилишда сўнгги турлар доирасида бўлиб ўтган учрашувлардаги интизомий ишлар кўриб чиқилди.

Суперлига
“Сурхон” — “Бунёдкор”

Ўзбекистон Суперлигасининг 7-тури доирасидаги “Сурхон” — “Бунёдкор” учрашувининг 72-дақиқасида “Сурхон” футбол клуби футболчиси А.Каримов тўп учун курашиш вақтида оёғининг таг қисми билан рақиб ўйинчисини оёғига зарба бергани учун майдондан четлаштирилган.

Тартиб-интизом қўмитасининг қарорига кўра, Асадбек Каримовга (“Сурхон”) нисбатан 3 та ўйинга четлаштириш интизом чораси қўлланилди

“Насаф” — “Олимпик”

Суперлиганинг 7-тури доирасидаги “Насаф” — “Олимпик” учрашувининг 95+5 дақиқасида “Олимпик” футбол клуби футболчиси Ш.Тоиров тўп учун курашиш вақтида оёғининг таг қисми билан рақиб ўйинчисини бош қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Шахзод Тоировга (Олимпик) нисбатан 3 та ўйинга четлаштириш ва жарима интизом чораси қўлланилди.

“Турон” — “Навбаҳор лочинлари”

Суперлиганинг 7-тури доирасидаги “Турон” — “Навбаҳор лочинлари” учрашувининг 71-дақиқасида “Навбаҳор лочинлари” футбол клуби футболчиси Ж.Болтабоев тўп учун курашиш вақтида оёғининг таг қисми билан рақиб ўйинчисини тизза қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Жамшид Болтабоевга (Навбаҳор лочинлари) нисбатан 2 та ўйинга четлаштириш интизом чораси қўлланилди.

Про лига
“Навбаҳор фарм” — “Ғиждувон”

Про лиганинг 5-тур доирасидаги “Навбаҳор фарм” — “Ғиждувон” учрашувининг 59-дақиқасида “Навбаҳор фарм” жамоаси футболчиси Ж.Хусанов ҳамда “Ғиждувон” жамоаси футболчиси А.Муродовлар тўп учун курашиш вақтида оёғининг таг қисми билан бир-бирига қўрол тарзда сакраб зарба бергани учун майдондан четлаштирилган.

Тартиб-интизом қўмитасининг қарорига кўра, Жавохир Хусанов (Навбаҳор фарм) ва Акбар Муродовга (Ғиждувон) нисбатан 3 та ўйинга четлаштириш интизом чораси қўлланилди.

“Шўртан” — “Навбаҳор фарм”

Про лиганинг 6-тури доирасидаги “Шўртан” — “Навбаҳор фарм” учрашувининг 88-дақиқасида “Навбаҳор фарм” футбол клубининг мураббийи К.Бозоров бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Каримжон Бозоровга (Навбаҳор фарм) нисбатан 2 та ўйинга четлаштириш ва жарима интизом чораси қўлланилди.

“Машъал” — “Юниред”

Про лиганинг 6-тури доирасидаги “Машъал” — “Юниред” учрашуви якунлангандан сўнг “Юниред” футбол клубининг дарвозабони Ж.Жамолов ёрдамчи ҳакам шаънига номақбул сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Жаҳонгир Жамоловга (Юниред) нисбатан 2 та ўйинга четлаштириш ва жарима интизом чораси қўлланилди.

“Хоразм” — “Динамо”

Про лиганинг 7-тури доирасидаги “Хоразм” — “Динамо плюс” учрашувининг 31-дақиқасида “Динамо плюс” футбол клуби мураббийи Д.Шарафутдинов биринчи ёрдамчи ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Д.Шарафутдиновга (Динамо плюс) нисбатан 2 та ўйинга четлаштириш ва жарима интизом чораси қўлланилди.

“Қўқон-1912” — “Хоразм”
Про лиганинг 8-тури доирасидаги “Қўқон-1912” — “Хоразм” учрашуви якунлангандан сўнг “Хоразм” жамоаси футболчиси Х.Жўраев номақбул сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Хожиакбар Жўраевга (Хоразм) нисбатан 2 та ўйинга четлаштириш ва жарима интизом чораси қўлланилди.

“Машъал” — “Андижон SGS”

Про лиганинг 8-тури доирасидаги “Машъал” — “Андижон SGS” учрашувининг 83-дақиқасида “Андижон SGS” жамоаси футболчиси О.Мўминов бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Отабек Мўминовга ("Андижон" SGS) нисбатан 3 та ўйинга четлаштириш интизом чораси қўлланилди.

Ўзбекистон кубоги

“Пахтакор-79” — “Шахрихончи”

Ўзбекистон кубоги гуруҳ босқичининг 1-тури доирасидаги “Пахтакор-79” — “Шахрихончи” учрашувининг 73-дақиқасида “Пахтакор-79” жамоаси футболчиси Э.Усмонов ҳамда “Шахрихончи” жамоаси футболчиси У.Исроиловлар бир-бирларини бўйин қисмидан бўғиб тажовузкор ҳаракат қилгани учун майдондан четлаштирилган.

Тартиб-интизом қўмитасининг қарорига кўра, Элёр Усмонов (Пахтакор-79) ва Умиджон Исроиловга (Шаҳрихончи) нисбатан 3 та ўйинга четлаштириш интизом чораси қўлланилди.

Биринчи лига
“Бунёдкор фарм” — “Жиззах”

Биринчи лига мусобақасининг 3-тури доирасидаги “Бунёдкор фарм” — “Жиззах” учрашувининг 89-дақиқасида “Бунёдкор фарм” жамоаси футболчиси А.Кулахмедов тўпсиз вазиятда рақиб ўйинчисини тепганлиги учун майдондан четлаштирилган. Учрашувнинг 90+5-дақиқасида эса “Жиззах” жамоаси футболчиси Н.Ибрагимов урилган голни нишонлаш пайтида номақбул сўзлар ишлатгани учун майдондан четлаштирилган

Тартиб-интизом қўмитасининг қарорига кўра, А. Кулахмедовга (Бунёдкор фарм) нисбатан 3 та ўйинга четлаштириш интизом чораси қўлланилди. Нодирбек Ибрагимовга (Жиззах) нисбатан 2 та ўйинга четлаштириш интизом чораси қўлланилди.

“Чиғатой” — “Жиззах”

Биринчи лига мусобақасининг 5-тури доирасидаги “Чиғатой” — “Жиззах” учрашувининг 83-дақиқасида “Чиғатой” жамоаси футболчиси Д.Умиров ҳамда “Жиззах” жамоаси футболчиси А.Маликовлар бир-бирига нисбатан тажовузкор ҳаракат қилган, “Жиззах” жамоаси футболчиси А.Маликов рақиб ўйинчиси бўйин қисмидан бўғгандан сўнг Д.Умиров унга жавобан қўлнинг мушт қисми билан зарба бергани учун майдондан четлаштирилган.

Тартиб-интизом қўмитасининг қарорига кўра, Давронбек Умировга (Чиғатой) нисбатан 5 та ўйинга четлаштириш интизом чораси қўлланилди. Азизбек Маликовга (Жиззах) нисбатан 3 та ўйинга четлаштириш интизом чораси қўлланилди.

“Пахтакор-79” — “Локомотив БФК”

Биринчи лига мусобақасининг 5-тури доирасидаги “Пахтакор-79” — “Локомотив БФК” учрашувининг 84-дақиқасида “Локомотив БФК” жамоаси футболчиси ЎЎктамов тўп учун курашиш вақтида оёғининг таг қисми билан рақиб ўйинчисини оёғининг орқа қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Ўткирбек Ўктамовга (Локомотив БФК) нисбатан 3 та ўйинга четлаштириш интизом чораси қўлланилди.

U-21 чемпионати
“Бухоро U-21” — “Нефтчи U-21”

U-21 чемпионатининг 7-тури доирасидаги “Бухоро U-21” — “Нефтчи U-21” учрашувининг 70-дақиқасида “Бухоро U-21” жамоаси футболчиси Д.Каримов тўп учун курашиш вақтида оёғининг таг қисми билан рақиб ўйинчисини оёғига зарба бергани учун майдондан четлаштирилган.

Тартиб-интизом қўмитасининг қарорига кўра, Диёрбек Каримовга (Бухоро U-21) нисбатан 3 та ўйинга четлаштириш интизом чораси қўлланилди.

U-19 чемпионати
“Бунёдкор U-19” — “Ғиждувон U-19”

U-19 чемпионатининг 2-тури доирасидаги “Бунёдкор U-19” — “Ғиждувон U-19” учрашувининг 32-дақиқасида “Ғиждувон U-19” жамоаси футболчиси Т.Болтаев тўп учун курашиш вақтида оёғининг таг қисми билан рақиб ўйинчисини оёқ қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Темирбек Болтаевга (Ғиждувон U-19) нисбатан 3 та ўйинга четлаштириш интизом чораси қўлланилди.

“ОКМК U-19” — “Андижон U-19”

U-19 чемпионатининг 2-тури доирасидаги “ОКМК U-19” — “Андижон U-19” учрашувининг 68-дақиқасида ОКМК U-19 жамоаси футболчиси А.Абдувалиев рақиб ўйинчисининг кўкрак қисмига қўли билан зарба бергани учун майдондан четлаштирилган.

Тартиб-интизом қўмитасининг қарорига кўра, Алишер Абдувалиевга (ОКМК U-19) нисбатан 3 та ўйинга четлаштириш интизом чораси қўлланилди.

“Металлург U-19” — “Олимпик U-19”

U-19 чемпионатининг 2-тури доирасидаги “Металлург У-19” — “Олимпик U-19” учрашувининг 59-дақиқасида “Олимпик U-19” жамоаси футболчиси Б.Усмонов бош ҳакам шаънига хақоратли сўзлар ишлатгани учун майдондан четлаштирилган. Учрашувнинг 61-дақиқасида “Олимпик У-19” жамоаси футболчиси М.Абдурашидов бош ҳакам шаънига хақоратли сўзлар ишлатгани учун майдондан четлаштирилган

Тартиб-интизом қўмитасининг қарорига кўра, Билол Усмонов (Олимпик U-19) ва Мухаммаджон Абдурашидовга (Олимпик U-19) нисбатан 3 та ўйинга четлаштириш интизом чораси қўлланилди.

“Машъал U-19” — “Локомотив U-19”

U-19 чемпионатининг 2-тури доирасидаги “Машъал U-19” — “Локомотив U-19” учрашувининг 75-дақиқасида “Локомотив U-19” жамоаси футболчиси А.Комилов рақиб жамоа футболчиларига нисбатан хақоратли сўзлар ишлатган ҳамда “Машъал U-19” жамоаси футболчиси С.Бекчанов унга жавобан хақоратли сўзлар ишлатгани учун ҳар иккала футболчи майдондан четлаштирилган. Учрашувнинг 81-дақиқасида эса “Локомотив У-19” жамоаси футболчиси Ж.Мубароков сариқ карточка билан огоҳлантирилгандан сўнг бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Азамат Комилов (Локомотив U-19), Сарварбек Бекчанов (Машъал U-19) ва Жавоҳир Мубораковга (Локомотив U-19) нисбатан 3 та ўйинга четлаштириш интизом чораси қўлланилди.

“Хоразм U-19” — “Машал U-19”

U-19 чемпионатининг 3-тури доирасидаги “Хоразм U-19” — “Машал U-19” учрашувининг 42-дақиқасида “Машъал” футбол клуби футболчиси Ф.Тошпўлатов тўп учун курашиш вақтида оёғининг таг қисми билан рақиб ўйинчисини оёқ қисмига зарба бергани учун майдондан четлаштирилган. Учрашувининг 90+5-дақиқасида эса “Хоразм U-19” жамоаси футболчиси Н.Аминов рақиб футболчиси шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Нурсултон Аминов (Хоразм U-19) ва Фаррух Тошпўлатовга (Машъал) нисбатан 2 та ўйинга четлаштириш интизом чораси қўлланилди.

“ОКМК” U-19 — “Ғиждувон U-19”

U-19 чемпионатининг 3-тури доирасидаги “ОКМК” U-19 — “Ғиждувон У-19” учрашувининг 83-дақиқасида “Ғиждувон U-19” жамоаси ёрдамчи мураббийи У.Қудратов иккинчи ёрдамчи ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Умиджон Қудратовга (Ғиждувон У-19) нисбатан 2 та ўйинга четлаштириш интизом чораси қўлланилди.

Аёллар Олий лигаси
“Бухоро W” — “Нефтчи W”

Аёллар Олий лигаси 2-тури доирасидаги “Бухоро W” — “Нефтчи W” учрашувининг 36-дақиқасида “Нефтчи W” жамоаси футболчиси Ш.Юсупова биринчи ёрдамчи ҳакам шаънига хақоратли сўзлар ишлатгани учун майдондан четлаштирилгандан кейин бош ҳакамнинг орқасидан келиб унинг бош қисмига зарба бергани, бош ҳакам зарбадан сўнг йиқилиб тушгани, шунингдек, бош ҳакамнинг елка қисмига тепгани қайд этилган.

Тартиб-интизом қўмитасининг қарорига кўра, Шахноза Юсуповага (Нефтчи W) нисбатан 2023 йилги мавсумнинг охирига қадар четлаштириш интизом чораси қўлланилди. “Нефтчи” футбол клубига нисбатан жарима интизом чораси қўлланилди.

“Металлург W” — “Бунёдкор W”

Аёллар Олий лигаси 4-тури доирасидаги “Металлург W” — “Бунёдкор W” учрашувининг 45-дақиқасида “Бунёдкор W” жамоаси футболчиси И.Аблякимова бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, И.Аблякимовага (Бунёдкор W) нисбатан 3 та ўйинга четлаштириш интизом чораси қўлланилди.

Футзал Олий лигаси
“Максам Чирчиқ” — “Локомотив”

Футзал Олий лигасининг 9-тури доирасидаги “Максам Чирчиқ” — “Локомотив” учрашувининг 32-дақиқасида “Локомотив” жамоаси футболчиси И.Маллаев рақиб ўйинчисини бўйин қисмидан бўғиб тажовузкор ҳаракат қилгани учун майдондан четлаштирилган.

Тартиб-интизом қўмитасининг қарорига кўра, Илёс Маллаевга (Локомотив) нисбатан 3 та ўйинга четлаштириш интизом чораси қўлланилди.

Футзал Биринчи лигаси
“Дизак” — “Қизилқум”

Футзал Биринчи лигасининг 4-тури доирасидаги “Дизак” — “Қизилқум” учрашувининг 8-дақиқасида “Қизилқум” жамоаси футболчиси Б.Абдурахмонов рақиб ўйинчисининг юз қисмига қўли билан зарба бергани учун майдондан четлаштирилган.

Тартиб-интизом қўмитасининг қарорига кўра, Бекали Абдурахмоновга (Қизилқум) нисбатан 3 та ўйинга четлаштириш интизом чораси қўлланилди.

“БМБ” — “Бунёдкор”

Футзал Биринчи лигасининг 9-тури доирасидаги “БМБ” — “Бунёдкор” учрашувининг 29-дақиқасида “Бунёдкор” футбол клуби футболчиси У.Зайниддинов бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Умиджон Зайниддиновга (Бунёдкор) нисбатан 2 та ўйинга четлаштириш интизом чораси қўлланилди.

Барча мураббий, футболчи, ҳакам ва расмийларга мурожаат қилиб, ҳар қандай вазиятда эҳтиросларга берилмасдан, оғир-вазмин ва профессионал бўлишга чақирамиз. Шу ўринда Сизлар ўсиб келаётган ёшлар учун ўрнак-намуна эканликларингизни яна бир бор эслатиб ўтамиз!

Фикрлар

Фикр қолдириш учун авторизациядан ўтинг!