"Сурхон" йиғинга киришди. Легионерлар қачон сафга қўшилади?

2019-йилги мавсумни Суперлигада 6-ўринда якунлаган "Сурхон" жамоаси, бугундан Тошкентда навбатдаги мавсумга тайёргарликни бошлади. Бугунги машғулотда асосан жисмоний машқларга эътибор қаратилди. Кўпчилик муҳлисларни таркиб борасидаги ўзгаришлар қизиқтираётгани аниқ. Жамоага янги келиб қўшилган Акбар Тўраев ва Сардор Сулейманов бугунги машғулотларда иштирок этди.

Ўтган мавсумда жамоа шарафини ҳимоя қилган Абдуқаххор Хожиакбаров, Рахматулло Бердимуродов, Асрор Ғофуров, Аъзамжон Алиевлар ҳам машғулотларда иштирок этди.

Тажрибали футболчи Шавкат Саломов эртадан жамоа машғулотларига қўшилади.

Шунингдек, Асилбек Амонов ҳам эртадан машғулотларга қўшилади.

Легионер Александр Касьян 11-январь куни Ўзбекистонга учиб келади ва "Сурхон" жамоаси машғулотларига қўшилади.

Яна икки Сербиялик легионерлар Дарко Станоевич ва Владимир Бубаньяларга мураббийлар яна бир ҳафта ҳордиқ чиқаришга имконият яратиб берганлар.

Манба: "Сурхон" телеграм расмий канали