Ортда қолган мавсумда "Сурхон" жамоаси таркибида бир қатор тажрибали футболчилар тўп тепди. Лекин шундай бўлса-да, 2020 йилда термизликлар қониқарсиз натижалар қайд этди ва Суперлигада 12-ўринни эгаллади.

Ўтган мавсумда жамоа таркибида тўп тепган Абдуқаҳҳор Ҳожиакбаров, Асилбек Аманов, Аъзам Алиев, Жаҳонгир Меҳмонов ва яна бир қатор футболчилар хизматидан воз кечди. Бу ҳақда клуб матбуот хизмати хабар берди.

Келаётган мавсумда эса "Сурхон" жамоаси бор эътиборини сурхондарёлик маҳаллий ва ёш иқтидорли футболчиларга қаратади. Нуриддин Ҳасанов, Беҳруз Шайдулов, Ўрал Чориев, Даврон Мерганов, Камолиддин Ашуров, Шаҳзод Таиров ва Муҳаммад-али Абдураҳмоновнинг "Сурхон" билан амалдаги шартномаси мавжуд. Бундан ташқари, катта мураббий Баҳром Ҳайдаров, мураббийлар Владимир Андреев ва Икромжон Ибрагимов бир қатор футболчилар билан селекция ишларини олиб бормоқда. Яқин кунларда жамоанинг янги бош мураббийи ҳам эълон қилинади. 

П/С: Сурхондарёлик тажрибали футболчи Раҳматулло Бердимуродов бу мавсумда "Сурхон" жамоаси мураббийлар штабидан ўрин олади.

Матнда хатолик топсангиз, ўша хатони белгилаб, бизга жўнатинг (Ctrl + Enter)