Taekvondo ustalari Toshkentda jam bo‘lishdi (foto)

Poytaxtimizda Butunjahon taekvondo federatsiyasi prezidenti kubogi uchun Osiyo mintaqasi musobaqasi davom etmoqda.
Butunjahon taekvondo federatsiyasi, Osiyo taekvondo ittifoqi, O‘zbekiston Respublikasi Jismoniy tarbiya va sport davlat qo‘mitasi, Milliy olimpiya qo‘mitasi, O‘zbekiston taekvondo assotsiatsiyasi hamkorligida ilk bor o‘tkazilayotgan nufuzli musobaqada o‘ttizdan ziyod davlatdan besh yuzdan ortiq kuchli taekvondo ustalari sovrinli o‘rinlar bilan birga 2020 yili Yaponiyaning Tokio shahri mezbonlik qiladigan XXXII yozgi Olimpiya o‘yinlariga yo‘llanma beruvchi reyting ochkolari uchun bahslashmoqda.