Таэквондо WT. Светлана Осипова жаҳон чемпиони!

Мексикада ўтказилаётган таэквондо бўйича жаҳон чемпионатининг яна бир куни Ўзбекистон терма жамоаси учун омадли ўтди.

МОҚ матбуот хизматининг хабар беришича, +73 кг вазн тоифасида баҳс олиб борган ҳамюртимиз Светлана Осипова жаҳон чемпионлигини қўлга киритди!

Финал беллашувида Осипова исроиллик Дана Арзанни 3 раундда (2:1) мағлубиятга учратди. Бу билан Осипова жаҳон чемпионатларида ғалаба қозонган ўзбекистонлик биринчи таэквондочи қиз сифатида тарихга кирди.