Tayson Fyuri qaysi shart evaziga boksga qaytishi mumkinligini ma’lum qildi

Og‘ir vaznda WBC yo‘nalishi chempioni Tayson Fyuri boksga qaytishi mumkin. Uning o‘zi bu haqda gapirdi:

"Entoni Joshua yana mag‘lub bo‘ladi va mendan yana ringga qaytishimni so‘rashadi.

Men ularga shunday deyman: "Jin ursin, men nafaqadaman!"

Shundan so‘ng ular qaytishimni iltimos qilishadi, ammo buning uchun juda katta pul berishlari kerak",-dedi 33 yoshli sportchi.

Britaniyalik jangchi shu yilning aprel oyida Dilian Uayt ustidan qozongan g‘alabasidan keyin faoliyatini yakunlaganini e’lon qilgandi.