Тайсон ва Жонс қарама-қаршилигида ҳакамлар бўлмайди

Афсонавий Майк Тайсон ва Рой Жонс ўзаро тўқнаш келадиган жанг қоидалари маълум бўлди.

CSAC раҳбари Энди Фостер кўргазмали жангнинг қоидалари ҳақида маълумот берди.

"Улар ҳаракат қилишлари ва пул ишлаб олишлари мумкин, лекин мен уларга дарҳол айтдим - агар бирор-бир муаммо бўлса, жангни тўхтатамиз. Улар бокс қўлқопларида бўлади, бош кийим кийишмайди. Бундан ташқари, бизда ҳакамлар ҳам бўлмайди, шунинг учун жангда нокаут содир бўлмаса ёки кимдир жангни давом эттира олмаса, техник ғолиб аниқланмайди," - деди Фостер.

Бироз аввал, Тайсон - Жонс жанги 12 сентябрь куни бўлиб ўтиши эълон қилинганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)