Темур Кападзе Президент томонидан унвон билан тақдирланди

Ўзбекистон олимпия терма жамоаси ва "Олимпик" клуби бош мураббийи Тимур Кападзе “Ўзбекистон Республикасида хизмат кўрсатган спорт устози” фахрий унвони билан тақдирланди, деб хабар берди "Олимпик" клуби матбуот хизмати.

Президент Шавкат Мирзиёев Ўзбекистон Республикаси мустақиллигининг ўттиз бир йиллиги муносабати билан фан, таълим, соғлиқни сақлаш, спорт, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисидаги фармонга имзо чекди.

Унда, Ўзбекистон олимпия терма жамоаси ва “Олимпик” футбол клуби бош мураббийси Тимур Кападзе “Ўзбекистон Республикасида хизмат кўрсатган спорт устози” фахрий унвони билан тақдирланди.