Тен Хаг Магуайр ҳақида: Ҳамма нарса унга боғлиқ

Эрик тен Хаг Харри Магуайрнинг "Манчестер Юнайтед"даги келажаги ҳақида гапирди.

- Сиз шу ёзда катта қарорлар қабул қилдингиз, Харри Магуайрни сардорликдан маҳрум қилдингиз ва Давид Де Хеа билан шартномани узайтиришдан бош тортдингиз. Бу қанчалик қийин эди?

"Мураббий ва шахс ўртасида фарқлар бор. Юқори даражадаги футбол натижаларга қаратилган. Шу сабабли, бундай қарорларни қабул қилиш керак, лекин сиз буни ҳалол қилишингиз керак, ҳамма нарса шаффоф бўлиши лозим. Клуб мени шундай қарорлар қабул қилиш ва уларни ҳалол ва тўғридан-тўғри етказиш учун тайинлади. Мен ҳар доим шундай қилишга ҳаракат қиламан.

Менда Харрига қарши ҳеч нарса йўқ, лекин бу жамоа учун яхши бўлди. . У ўз ўрни учун курашиши лозим. Магуайр жуда яхши марказий ҳимоячи. У фақат ўзини исботлаши талаб этилади. Ҳамма нарса унга боғлиқ ва менимча, у бунга қодир, - деди Тен Хаг.