Тен Хег ўйнатмаган футболчига "Ювентус" 40 миллион беришга тайёр!

"Манчестер Юнайтед" вингери ва айни дамда Дортмунднинг “Боруссия” клубида ижара асосида ҳаракат қилаётган Жейдон Санчо фаолиятини Италия А Сериясида давом эттириши мумкин.

"TEAMtalk" хабарига кўра, Туриннинг "Ювентус" 23 ёшли англиялик футболчи учун "қизил иблислар"га 40 миллион евро тўлашга тайёр. Манкунианликлар ҳам ёзда уни қўйиб юборишга қарши эмас. Мавсум бошида Санчо бош мураббийи Эрик тен Хаг билан жанжаллашиб қолганди ва шу сабабдан мавсумнинг биринчи қисмида деярли майдонга тушмади.

Маълумот учун, Санчо қишки трансферлар ойнасида "сариқлар" сафига ўтган бери 9 учрашувда қатнашиб, 2 та голли узатмани амалга оширди.