Тео Эрнандес "Реал"га қайтмоқчи эмас

"Милан"нинг франциялик ҳимоячиси Тео Эрнандес "Реал"га қайтиш ниятида эмаслигини айтди.

“Реал” менинг кетганимга афсусланадими ёки йўқ, буни билмайман. Мен Мадридга жуда ёш келганман ва ўйин амалиётига эга бўлмаганман. У пайтлар мен учун қийин эди. У ерда ўзимга бўлган ишончни йўқотдим. Аммо ҳозирда "Милан"да яхши фаолият юритяпман. “Реал”га қайтаман, деб ўйламайман”, - деди Эрнандес.

23 ёшли Эрнандес “Милан” сафига 2019 йилнинг ёзида 20 млн евро эвазига “Реал”дан кўчиб ўтган эди. У жорий мавсум “россонерилар” таркибида 18 та ўйинда майдонга тушди ва ўз ҳисобига 3 та гол ҳамда 4 та голли узатма ёздириб қўйди.