Tezkor! Jaloliddin Masharipovga Turkiya chempionatidan taklif bor

O‘zbekiston terma jamoasi va "Al-Nassr" yarim himoyachisi Jaloliddin Masharipov faoliyatini Turkiya chempionatida davom ettirishi mumkin.

SPORTS.uz saytiga ma’lum bo‘lishicha, futbolchi xizmatiga Istanbulning "Bashakshexir" klubi jiddiy qiziqish bildirmoqda. Agar tomonlar kelishuvga erishsa, qishki transfer vaqtida Masharipov turk klubiga ko‘chib o‘tishi mumkin.

Avvalroq, vingerga BAA va Saudiya Arabistoni jamoalaridan ham takliflar borligi haqida xabarlar tarqalgandi. Ayni damda "Bashakshexir" jamoasi chempionatda 19-turdan so‘ng 33 ochko bilan 3-o‘rinda bormoqda.