Tezkor! Legionerimiz jamoasini o‘zgartirdi

Belorusning "BATE" klubida to‘p tepib kelayotgan legionerimiz Shahboz Umarov faoliyatini Qozog‘iston chempionatida davom ettiradi. 

Ma’lum bo‘lishicha, futbolchimiz ijara asosida "Ordabasi" klubi safiga kelib qo‘shilgan. 

U Aleksandr Mixaylov bilan kelib chiqqan mojaro tufayli bu mavsum Belarus chempionatining birorta ham o‘yinida maydonga tushmadi. 

O‘tgan mavsumda Shahboz 27 ta o‘yin o‘tkazib, 6 ta gol hamda 8 ta assist muallifiga aylangandi.