Тезкор: Левандовски “Барса”дан кетиши кутиляпти

“Барселона” молиявий фэйр-плей туфайли яна бир машҳур футболчи Роберт Левандовски билан хайрлашиши мумкин.

Каталония клуби спорт директори Деку тез орада Роберт Левандовски билан суҳбат ўтказишни режалаштиряпти. Клуб тажрибали тўпурар маошини қайта кўриб чиқмоқчи. Амалдаги шартномага кўра, польшалик футболчининг маоши йилдан-йилга ошиб боради.

“Барселона” молиявий вазиятни яхшилаш учун ўйинчиларнинг маошларини пасайтириш тажрибасини анчадан бери қўллаб келади.

Мутахассисларнинг таъкидлашича, Левандовски маоши пасайишига розилик бермаслиги мумкин. Зотан, 35 ёшли ҳужумчи ишсиз қолмайди.

Саудия Арабистони клублари Европанинг энг зўр тўпурарларидан бирига катта маош беришга тайёрлигини билдиряпти.

Левандовски янги мавсумда ўнта учрашувда олтита гол ва тўртта ассист муаллифи бўлди.