Тезкор! Ўзбекистон U20 терма жамоаси иштирок этадиган жаҳон чемпионати тақвими эълон қилинди

Футбол бўйича 20 ёшлилар ўртасидаги жаҳон чемпионати гуруҳ босқичига қуръа ташланди. Аргентина мезбонлик қиладиган турнирда ёшларимиз "A" гуруҳидан жой олди. 

Мазкур гуруҳда вакилларимизга мезбон Аргентина, Янги Зеландия ҳамда Гватемала термалари рақиблик қилади. Мусобақа 20 майдан 11 июнга қадар бўлиб ўтади. Унда 24 жамоа ғолиблик учун куч синашади.

Очилиш ўйини Аргентина ва Ўзбекистон термалари ўртасида бўлиб ўтади. Мазкур турнирнинг тақвими эълон қилинди. Унга кўра, Ўзбекистон ёшлар терма жамоаси гуруҳдаги учта ўйинни ҳам "Сантяго-дел-Эстеро" стадионида ўтказади. Агар гуруҳдан чиқадиган бўлсак, учрашув учун "Сан-Хуан" ёки "Мендоса" ўйингоҳларидан бирига борамиз.