The Sun Ўзбекистонга келган машҳур футболчини Брэд Питт ва Ди Каприо билан таққослади

Буюк Британиянинг машҳур The Sun нашри ўз даврида Лондоннинг “Арсенал” жамоасида порлаган Россия миллий терма жамоаси собиқ футболчиси Андрей Аршавиннинг Ўзбекистонга саёҳати ҳақида мақола эълон қилди.

Саёҳат давомида Аршавин кулолчилик бўйича мастер-классда иштирок этди, шу сабабли уни икки голливуд юлдузи — Брэд Питт ва Леонардо Ди Каприо билан таққослашди.

Мақолада таъкидланишича, Брэд Питт ва Леонардо Ди Каприо Лос-Анжелесдаги Питтнинг уйида кулолчилик билан шуғулланиш орқали дўстлашиб қолган.

Мақоланинг сарлавҳаси қуйидагича чиққан: “44 ёшли “Арсенал”нинг афсонавий ўйинчиси футболни янги хоббига алмаштириб, Леонардо Ди Каприо қизиқадиган машғулот билан шуғулланаётгани сабаб таниб бўлмас даражада ўзгарган”.

Эслатиб ўтамиз, Андрей Аршавин 2018 йилда фаолиятини якунлаган.