Тиаго Силва: "Йиқилганимда ҳар сафар ўрнимдан турдим"

Бразилия терма жамоаси сардори Тиаго Силва мундиалдаги иштироки ҳақида гапирди.

"Рақиб ким бўлишидан қатъи назар гол уришимиз керак эди. Хорватия ажойиб жамоа. Биз уларга қарши жуда тарқоқ ва тартибсиз ҳаракат ҳаракат қилдик. Мен ҳар бир жамоадошимдан фахрланаман.

Футболда, шахсий ҳаётимда турли қарорлар қабул қилганман. Жуда қаттиқ хоҳлаган нарсани йўқотиш аламли. Ҳар йиқилганимда ўрнимдан турганман.

Афсуски, футболчи сифатида бу кубокни кўтара олмадим. Балки мураббий сифатида буни уддаларман", - деди 38 ёшли ҳимоячи.

Эслатиб ўтамиз, бу Жаҳон чемпионати катта эҳтимол билан Силва учун сўнггиси бўлади. Мундиал фаворити сифатида кўрилган "пентакампеонлар" чорак финалда Хорватия тўсиғидан ўта олмади.