Тим Ховард эртага фаолиятини якунлайди
Ads

Айни дамда “Колорадо” клубида тўп сураётган АҚШ терма жамоаси собиқ дарвозабони Тим Ховард футболчилик фаолиятини якунламоқда. Аниқроғи, 40 ёшли посбон эртага 29 сентябрь куни МЛСнинг “Даллас”га қарши ўйинда ўзининг профессионал фаолиятидаги сўнгги учрашувини ўтказади.

Берилган маълумотларга кўра ушбу ўйин олдидан  Ховарднинг ҳайрлашув учрашувига аталган махсус тадбир ташкиллаштирилади.

Маълумот учун, Тим Ховард ўзининг футболчилик фаолияти давомида жами 700 дан ортиқ ўйинда майдонга тушиб, уларнинг 300 тасида ғалаба қозонган ва 211 тасида ўз дарвозаси дахлсизлигини сақлаб қола олган. У АҚШ терма жамоаси сафида 2007 ва 2017 йилларда “Олтин КОНКАКАФ” кубогини қўлга киритган.